Read Ngaju SAKHARIA 5 Bible Online

SAKHARIA 5 - Ngaju bible

SAKHARIA 5

¹Aku manantuani tinai, maka sinde toh aku mite ije buku je imbalon tarawang intu udara.

²Malekat te misek narai je gitangku. Tombah aku, “Ije buku je tau imbalun tarawang intu udara. Kapanjange jalatien meter tuntang kabukae epat satengah meter.”

³Palus ie hamauh dengangku, “Intu buku te tarasurat sapa akan lewu toh. Intu ije baun buku tarasurat iete gagenep oloh je panakau kareh impalua bara lewu toh. Tuntang intu baun buku je beken tarasurat iete gagenep oloh je mampendeng sumpah tanjaro kareh impalua kea.

⁴TUHAN Je Jaton Tikas Kuasae hamauh je sapa te kareh ilalus Awie akan hunjun gagenep human oloh je panakau tuntang human gagenep oloh je mampendeng sumpah tanjaro. Kakare huma te kareh harajur buah sapa sampai jadi kaduroh kaderep je rebok.”

⁵Malekat te gitan tinai tuntang hamauh, “Ite! Aton tinai je dumah!”

⁶“Narai jete?” koan paisekku. Tombah ie, “Ije karanjang. Jete tanda dosan[6] oloh hapus lewu toh.”

⁷Karanjang te aton tutupe bara timah. Metoh aku manangkilike, tutup te hagatang tuntang ampie intu huang karanjang te mondok ije biti oloh bawi.

⁸Malekat te hamauh, “Oloh bawi toh mananda kapapa.” Palus oloh bawi te ihenyeke haluli akan huang karanjang, palus karanjang te inutupe.

⁹Aku manampayah tuntang mite due biti oloh bawi tarawang manalih aku. Ewen tempon palapas je dehen kilau palapas burong bangau. Karanjang endau induan ewen palus iimbit ewen tarawang.

¹⁰Aku misek dengan malekat te, “Akan kueh ewen mimbit karanjang te?”

¹¹Tombah ie, “Akan Babel, intu kanih ewen kareh mamangun huma akae. Amon huma te jari imangun, karanjang te kareh iingkes intu hete uka inyembah.”