Read Ngaju MALEAKHI 4 Bible Online

MALEAKHI 4 - Ngaju bible

MALEAKHI 4

¹Koan TUHAN Je Jaton Tikas Kuasae. “Akan sampai katikae uras oloh bajoho tuntang darhaka inusul sama kilau tampilai. Hong andau te ewen kareh inusul lepah, tuntang jaton je batisa bara ewen.

²Tapi akan keton je manumon auh-Ku, kuasang-Ku je manyalamat kareh lembut kilau matanandau, tuntang kalawae mimbit karigas. Keton kareh mardeka tuntang hanjak kilau anak sapi je harue impalua bara karambang.

³Hong andau te Aku kareh mambaleh, tuntang keton kareh mapakalah kare oloh papa, sampai ewen kilau kawo je impijak-inandik keton.

⁴Ingat kare auh ajar rewarku Moses, ingat kare atoran tuntang kare parentah je inenga-Ku akae intu bukit Sinai uka inumon awi hapus ungkup Israel.

⁵ Tapi sahelo bara andau je manarewen tuntang je manyabanen je inukas-Ku te sampai, kareh inyoho-Ku Nabi Elia talih keton.

⁶Ie kareh manjadian kare bapa tuntang kare anak hinje atei, mangat Aku dia dumah mambinasa lewun keton.”