Read Ngaju DEUTERONOMIUM 25 Bible Online

DEUTERONOMIUM 25 - Ngaju bible

DEUTERONOMIUM 25

¹Jaka due biti oloh Israel haguet akan pengadilan mangadu ije perkara, palus ije biti imutus dia sala.

²Amon je sala buah hukum pukul, hakim manyoho ie mahingkep. Kare pukule manumon kapapa je jari iawie,

³ tapi dia tau labih bara hangkaepat puluh. Amon labih, rimae oloh te inawah intu baun oloh are.

⁴ Ela mambangus nyaman sapi je kanjerae mihik gandom.

⁵ “Amon kare oloh je hampahari melai hinje palus ije biti bara ewen te matei jaton malihi anak hatue, maka sawan je matei dia tau kawin dengan oloh beken intu luar keluarga banae. Paharin banae musti kawin dengan balo te.

⁶Anak hatue je tambakas ewen ianggap anak paharin je matei te mangat ie aton turonae hong marak bangsa Israel.

⁷ Amon oloh te dia maku kawin dengan sawan liau paharie, oloh bawi te balalu haguet manaharep kare oloh bakas lewu tuntang hamauh, ‘Sindahku dia maku malalus taloh je puna kapatut ayue manenga akan paharie ije biti turonan hong marak bangsa Israel.’

⁸Palus kare oloh bakas lewu te balalu manduan oloh te tuntang bapander dengae. Amon tetep dia maku,

⁹sawan liau paharie musti manokep ie intu taharep kare oloh bakas lewu, mengkak sarompah oloh te, maluja baue tuntang hamauh, ‘Kilau toh iawi dengan oloh je dia maku manenga turonan akan paharie,’

¹⁰Maka keluarga oloh te kareh jadi pangatawan oloh are intu Israel kilau ‘Keluarga oloh je injawut sarompahe.’ ”

¹¹“Amon due biti oloh hatue kanjerae hakalahi, tuntang sawan je ije bahimat mandohop banae mangaropet latak musoh banae,

¹²tetek lengen oloh bawi te tuntang ela masi ie.

¹³ Ela manipu mahapan timbangan atawa takaran je dia bujur.

¹⁵Keleh hapan timbangan tuntang takaran je bujur mangat keton panjang umur intu lewu je inenga TUHAN, Hatallan keton akan keton.

¹⁶TUHAN, Hatallan keton basingi dengan oloh je rajin manipu.”

¹⁷ “Ingat kilen ampie oloh Amalek mawi keton metoh keton huang jalanan balua bara Misir.

¹⁸Ewen dia mikeh dengan Hatalla tuntang manyarang keton bara likut metoh keton kanjeran paham heka tuntang lepah kaabas keton. Ewen palus mampatei uras kare oloh ayun keton je bilak dia olih mananjong intu hila likut.

¹⁹Tagal te, amon TUHAN, Hatallan keton jari manenga lewu te akan keton tuntang keton jari dia inderoh awi kare musoh hakaliling keton, uras oloh Amalek te musti impatei awi keton, sampai jaton oloh mingat ewen tinai. Ela kalapean!”