Read Ngaju YOSUA 12 Bible Online

YOSUA 12 - Ngaju bible

YOSUA 12

¹ Tanah silan hila timor Yordan, bara Janah Sungei Arnon sampai tikas Bukit Hermon intu hila utara, jari irabut tuntang inguasa awi oloh Israel. Aton due biti raja je impakalah ewen.

²Je ije arae Sihon, raja Amori je melai intu Hesbon tanah je inguasae saparo tanah Gilead: iete bara Aroër (Intu saran Janah Arnon) tuntang lewu je intu bentok Janah te sampai tikas sungei Yabok intu helat tanah bangsa Arnon;

³tinai tamput kea tanah Janah Yordan hila timor, bara Danau Galilea manintu salatan sampai Bet-Yesimot (intu hila timor Tasik Matei), palus akan pain bukit Pisga.

⁴Raja beken je impakalah awi oloh Israel iete raja Og bara tanah Basan, je melai intu Astarot tuntang Edrei. Ie ije bara je batisa bara bangsa Repaim.[3]

⁵Tanah je inguasae hapus bukit Hermon, Salkha, tuntang hapus Basan sampai tikas tanah Gesur tuntang Maakha; tamput kea saparo tanah Gilead sampai tikas tanah je inguasa Raja Sihon intu lewu Hesbon.

⁶ Jete kadadue biti raja je impakalah awi Moses haya-hayak dengan bangsa Israel. Tanah kare raja te inenga awi Moses, rewar TUHAN te, akan suku Ruben, Gad tuntang saparo suku Manase, jadi petak ayun ewen.

⁷Kare raja je impakalah awi Yosua haya-hayak dengan bangsa Israel iete uras kare raja intu tanah silan hila barat Sungei Yordan, bara Baal-Gad intu Janah Libanon palus sampai akan kare Bukit Halangai intu hila salatan tokep Edom. Eka te imbagi-bagi Yosua akan kare suku bangsa Israel uka manjadi petak ayun ewen.

⁸Tanah te hapus tanah je habukit, tanah pain bukit intu hila barat, Janah Yordan dengan tanah pain bukite, tanah kare biring intu hila timor, tuntang tanah padang pasir intu hila salatan. Kare tanah te iete awan tanah eka melai bangsa Het, Amori, Kanaan, Feris, Hewi tuntang Yebusi.

⁹Kare raja je impakalah, samandiaie aton telo puluh ije biti; iete kare raja bara kare lewu jetoh: Yerikho, Ai (tokep Betel), Yerusalem, Hebron, Yarmot, Lakhis, Eglon, Geser, Debir, Geder, Horma, Arad, Libna, Adulam, Makeda, Betel, Tapuah, Heper, Apek, Lasaron, Madon, Hasor, Simron-Meron, Akhsap, Taanakh, Megido, Kedes, Yokneam (Intu Karmel), Dor (intu saran tasik) Goyim (intu saran tasik) tuntang Tirsa.