Read Ngaju YOSUA 19 Bible Online

YOSUA 19 - Ngaju bible

YOSUA 19

¹Gawi mambagi ije kadue iete akan kare keluarga huang suku Simeon. Tikas helat petak ewen tame sampai huang tikas helat petak ayun suku Yuda.

² Ewen inenga telo walas lewu hai jetoh dengan lewu korik hakalilinge: Berseba, Seba, Molada, Hasar-Sual, Bala, Esem, Eltolad, Betul, Horma, Siklag, Bet-Hamarkabot, Hasar-Susa, Bet-Lebaot, tuntang Saruhen.

⁴

⁵

⁶

⁷Tuntang kea epat lewu hai jetoh dengan kare lewu korik hakalilinge: Ain, Rimon, Eter tuntang Asan.

⁸Tamput kea uras lewu korik kaliling kare lewu te sampai tikas Baalat-Beer (iete Rama) intu petak hila salatan. Jete petak je inenga akan kare keluarga huang suku Simeon jadi ayun ewen.

⁹Awi petak akan suku Yuda lalau lombah, maka belahe bara petak te inenga akan suku Simeon.

¹⁰Bagin petak je katelo iete petak akan kare keluarga huang suku Sebulon. Tikas helat petak je inenga akan ewen sampai akan Sarid.

¹¹Bara Sarid, garis tikas helat hila barat manintu Marala, palus manigong Dabeset tuntang sampang sungei hila timor Yokneam.

¹²Garis helat hila timor nampara bara Sarid manintu saran helat Khislot-Tabor, palus akan Dobrat, balalu mandai akan Yapia.

¹³Bara hete garis helat te palus akan timor akan Gad-Heper tuntang Et-Kasin, palus mambelok akan Nea balalu manintu Rimon.

¹⁴Intu hila utara, helat petak te mambelok manintu Hanaton tuntang hapus intu Janah Yiptah-El.

¹⁵Intu tanah suku Sebulon te tamput kea: Katat, Nahalal, Simron, Yidala tuntang Betlehem. Tanah ewen te manamput due walas lewu dengan kare lewu korik hakalilinge.

¹⁶Kare lewu dengan kare lewu korik te aton intu huang tanah je inenga akan kare keluarga suku Sebulon uka jadi ayun ewen.

¹⁷Gawi mambagi petak je kaepat iete petak akan kare keluarga huang suku Isaskhar.

¹⁸Intu tanah ewen tamput: Yisreel, Khesulot, Sunem,

¹⁹Haparaim, Sion, Anaharat,

²⁰Rabit, Kison, Ebes,

²¹Remet, En-Ganim, En-Hada, tuntang Bet-Pases.

²²Helat petak ewen manigong Tabor, Sahasima, Bet-Semes, palus hapus intu Sungei Yordan. Tanah ewen te manamput jahawen walas lewu hai dengan kare lewu korik hakalilinge.

²³Kare lewu je hai dengan je korik te aton intu huang tanah je inenga akan kare keluarga huang suku Isaskhar uka jadi ayun ewen.

²⁴Gawi mambagi petak je kalime iete petak akan kare keluarga huang suku Aser.

²⁵Daerah ewen te tatame huange: Helkat, Hali, Beten, Akhsap,

²⁶Alamelekh, Amad, tuntang Misal. Helat petak ewen intu hila barat manigong Bukit Karmel tuntang Sungei Libnat.

²⁷Bara hete garis helat ewen te mambelok akan hila timor akan Bet-Dagon palus manigong Helat Sebulon tuntang Janah Yiptah-El manintu utara akan Bet-Emek tuntang Nehiel. Balalu garis helat te tarus manintu utara akan Kabul,

²⁸Ebron, Rehob, Hamon, tuntang Kana, sampai tikas Sidon.

²⁹Bara hete garis helat te mambelok akan Rama palus sampai akan lewu hai Tirus, iete ije lewu je hakota; limbah te garis helat te mambelok tinai akan Hosa palus hapus intu Tasik Bentok. Huang kare helat te tamput Mahalab, Akhsib,

³⁰Uma, Apek tuntang Rehob. Huang sahapus daerah ewen te aton due puluh due lewu hai dengan kare lewu korik hakalilinge.

³¹Kare lewu je hai dengan je korik te aton intu huang tanah je inenga akan kare keluarga huang suku Aser akan jadi petak ayun ewen.

³²Gawin mambagi petak je kajahawen iete petak akan kare keluarga huang suku Naptali.

³³Tikas helat petak ewen nampara bara Helep, sampai akan batang kayu ek intu Saanaim, tarus akan Adami-Nekeb, balalu akan Yabneel, sampai Lakum, balalu hapus intu Sungei Yordan.

³⁴Bara hete garis helat petak te mambelok akan hila barat akan Asnot-Tabor, tuntang bara hete akan Hukok. Akan hila salatan, tanah toh hinje helat dengan tanah Sebulon, intu hila barat dengan Aser, tuntang intu hila timor dengan Sungei Yordan.

³⁵Kare lewu je bakota iete: Sidim, Ser, Hamat, Rakat, Kineret,

³⁶Adama, Rama, Hasor,

³⁷Kedes, Edrei, En-Hasor,

³⁸Yiron, Migdal-El, Horem, Bet-Anat, tuntang Bet-Semes. Huang hapus daerah ewen tatame huange jalatien walas lewu hai dengan kare lewu korik hakalilinge.

³⁹Kare lewu je hai dengan je korik te aton intu huang daerah je inenga akan kare keluarga huang suku Naptali je jadi petak ayun ewen.

⁴⁰Gawi mambagi petak je kauju iete petak akan kare keluarga huang suku Dan.

⁴¹Intu daerah ewen toh aton Sora, Estaol, Ir-Semes,

⁴²Saalabin, Ayalon, Yitla,

⁴³Elon, Timna, Ekron,

⁴⁴Elteke, Gibeton, Baalat,

⁴⁵Yehud, Beneberak, Gat-Rimon,

⁴⁶Me-Yarkon, Rakon tuntang kea daerah hakaliling Yope.

⁴⁷ Kare oloh suku Dan jari kanihauan belahe bara wilayah ewen,[8] awi te ewen haguet akan Lesem tuntang manyarang lewu te. Ewen marabute, mampatei oloh je melai lewu te, tuntang manguasa lewu te. Ewen balalu melai intu hete tuntang mobah aran lewu Lesem te jadi lewu Dan, manumon aran tato hiang ewen.

⁴⁸Kare lewu je hai dengan kare je korik te aton intu huang daerah je inenga akan kare keluarga huang suku Dan uka jadi ayun ewen.

⁴⁹Limbah ungkup Israel lepah mambagi-bagi petak intu tanah te, ewen manenga akan Yosua, anak Nun belah petak akan jadi petak ayue.

⁵⁰Kilau je jari irentah TUHAN, ewen manenga akae lewu je ilakue, iete: Timnat-Serah intu petak habukit Epraim. Yosua mamangun haluli lewu te palus melai intu hete.

⁵¹Kalote Imam Eleasar, Yosua anak Nun tuntang kare kapala keluarga huang kare suku bangsa Israel mambagi-bagi petak intu tanah te hapan tenong uka balaku atoh bara TUHAN. Ewen malalus te intu Silo hong hila baun bauntonggang Kemah TUHAN. Palus gawi mambagi petak te hapus.