Read Ngaju YOSUA 2 Bible Online

YOSUA 2 - Ngaju bible

YOSUA 2

¹ Limbah te bara eka kare kemah intu Sitim, Yosua manyoho due biti oloh kalati akan Kanaan. Kadadue oloh te irentah uka mariksa tanah Kanaan sahoka-hokan, je mambatang toto lewu Yerikho. Palus ewen haguet akan lewu te, tuntang baramalem intu human ije biti bawin lontei, arae Rahab.

²Rajan lewu Yerikho mahining alem te aton oloh Israel je dumah mangalati tanah Yerikho.

³Palus raja manyoho oloh manalih Rahab uka manyampai parentah toh, “Palua kare oloh je baramalem intu kare huma te. Ewen te oloh kalati je dumah akan mangalati hapus tanah Yerikho!”

⁴“Puna aton oloh je dumah akan humangku,” tombah Rahab, “tapi aku dia katawan ewen bara kueh. Ewen jari haguet endau metoh andau nampara kaput helo bara lawang lewu iatep. Aku kea dia misek akan kueh ewen haguet, tapi amon ewen jeleng inggoang, tau magon olih ewen jake.” (Padahal Rahab jari manyahokan kadadue oloh kalati te intu penda toyok batang rami hunjun sapau humae).

⁷Palus kare sarohan te haguet bara lewu. Limbah ewen intu luar, bauntonggang lawang iatep. Ewen manggau kadadue oloh kalati te sampai akan eka dimpah intu Sungei Yordan.

⁸Alem te helo bara kadadue oloh kalati bara Israel te batiroh, Rahab mandai akan loteng,

⁹tuntang hamauh dengan ewen, “Aku katawan TUHAN jari manenga lewu toh akan keton. Uras oloh intu hetoh mikeh dengan keton.

¹⁰ Ikei jari mahining barita tahiu kilen ampie TUHAN mampateah Tasik Raruju intu taharep baun keton, metoh keton malihi Misir. Ikei kea jari mahining kilen ampie keton mampatei Sihon tuntang Og, kadadue rajan bangsa Amori te intu silan hila timor Sungei Yordan.

¹¹Kalote ikei mahining kare sarita te, ikei palus mikeh toto. Uras kare oloh ikei nihau kahanyie awi keton. TUHAN, Hatallan keton toto Hatalla Je Jaton Tikas Kuasae intu langit tuntang hunjun petak.

¹²Aku maharap keton nahuang sumpah tagal Arae iete keton akan mawi keluargaku dengan bahalap sama kilau je jari iawiku dengan keton. Keleh hajanji iete indu bapaku, kare paharingku tuntang hapus keluargaku ewen dia keton mampateie, tapi akan ingalindong keton. Tinai akan taloh te tenga ije tanda je mamparahan akangku je keton toh tau imercaya awiku!”

¹⁴Palus tombah kadadue oloh te, “Ikei hajanji iete amon TUHAN manyarah lewu toh akan ikei, ikei akan mawi keton dengan bahalap, asal ikau dia manyarita akan ewe-eweh tahiu ikei. Keleh TUHAN manyapa ikei amon ikei dia malalus janji te.”

¹⁵Awi human Rahab imangun intu dinding lewu, maka Rahab moloh kadadue oloh te mahapan tali mahalau baunsengok.

¹⁶“Lius akan bukit,” koan Rahab dengan ewen, “Mangat kare oloh je inyoho awi raja dia olih manyingkap keton. Keleh manyahokan intu hete katahin telo andau mangat kare oloh je inyoho awi raja dia olih manawan keton. Keleh manyahokan intu hete katahin telo andau sampai ewen haluli, limbah te keton tau manuntong pangguet.”

¹⁷Kadadue oloh kalati te hamauh dengan Rahab, “Yoh, ikei akan manggenep janji je jari ilakum dengan ikei.

¹⁸Baya jetoh je musti iawim. Amon ikei mantakan lewum kareh, keleh tali bahandang toh imetengm intu baunsengok toh ekam moloh ikei. Indu bapam, kare paharim, hapus jalahan bapam keleh imumpongm intu huma toh.

¹⁹Amon ije bara ewen balua bara huma toh tuntang buah patei, pampateie awi kasalae kabuat; ikei dia mananggong taloh te. Tapi amon aton je mandino calaka huang huma toh, ikei toh je mananggong taloh te.

²⁰Tapi, amon ikau mansanan tahiu ikei akan oloh, te ikei bebas bara janji je ilakum dengan ikei.”

²¹Rahab manyatuju taloh te. Limbah te ie mameteng tali bahandang te intu baunsengoke.

²²Palus kadadue oloh kalati te haguet akan bukit tuntang manyahokan intu hete. Telo andau katahie kare sarohan raja manggau ewen akan hete-hete intu hapus tanah te, tapi dia ewen sondaue. Kajariae kare sarohan te haluli akan Yerikho.

²³Palus kadadue oloh kalati Israel te mohon bara bukit tuntang dimpah sungei. Limbah te ewen haluli manalih Yosua. Uras taloh je gitan tuntang ingkeme ewen, insanan ewen akae.

²⁴Limbah te ewen hamauh, “Batantu TUHAN manenga hapus lewu te akan itah; uras oloh intu hete mikeh dengan itah.”