Read Ngaju 1 TIMOTEUS 4 Bible Online

1 TIMOTEUS 4 - Ngaju bible

1 TIMOTEUS 4

¹Hapan auh je tukas toto Roh Hatalla mansanan: hong kare katika je rahian, oloh belahe akan mundur, milim Kristus. Ewen akan mamenda kare roh palayang tuntang manumon kare ajar ain dewa,

²je inyampai awi kare oloh haliau je pananjaro. Tirok atei kare oloh te jari kaput.

³Ewen majar oloh uka dia kawin tuntang dia kuman pire-pire panginan je inukas ewen. Padahal panginan te inampa awi Hatalla akan kinan hayak manyewut tarimakasih Akae bara kare oloh je jari percaya dengan Kristus tuntang jari mangasene auh ajar je bujur bara Hatalla.

⁴Taloh handiai je inampa awi Hatalla te uras bahalap, tuntang ije mahin jaton taloh je musti ianggap pali amon jari inarima hapan auh tarimakasih akan Hatalla.

⁵Basa panginan te manjadi dia pali awi berkat bara Hatalla tuntang lakudoa.

⁶Amon ikau majar taloh handiai te akan kare pahari je sama hong kapercaya, ikau akan manjadi rewar Kristus Yesus je bagawi dengan bahalap. Tuntang ikau akan harajur mamupuk atei huangm hapan auh Hatalla je imercaya itah, tuntang hapan kare auh ajar je bujur je jari inumom katahin toh.

⁷Keleh mangejau arepm bara kare sarita tahiu taloh je dia baguna. Keleh ikau malatih arepm akan pambelom je mimbit ikau manyembah Hatalla.

⁸Latihan biti-bereng baya isut ih gunae, tapi latihan roh baguna hong kare hal, awi jete manenga janji akan pambelom wayah toh tuntang wayah je rahian.

⁹Hal te toto tuntang patut inarima hayak imercaya sakalepahe.

¹⁰Jete sababe itah berjuang[6] tuntang bagawi paham, basa itah harap lepah dengan Hatalla je belom; iete panyalamat oloh handiai, je mambatang haliai akan kare oloh je percaya.

¹¹Keleh majar kare taloh samandiai te tuntang soho kare oloh uka manumoe.

¹²Ije biti mahin ela ikau manalua oloh maanggap ikau randah awi ikau magon tabela. Tapi keleh ikau manjadi sonto akan kare oloh percaya hong kotak panderm tuntang hadatm, hong cara ikau masi oloh tuntang percaya dengan Yesus Kristus, tuntang pambelom ayum je tinduh-barasih.

¹³Pandehan toh, sampai aku dumah kareh, ikau musti toto-toto mambasa Surat Barasih akan kare oloh, tuntang manantiring hayak majar ewen.

¹⁴Ela ikau laya mahapan panenga bara Roh Hatalla je inenga akam katika kare pamimpin ungkup mingkes lengee hunjun takolokm, tuntang kare nabi manyampai peteh Hatalla tahiu ikau.

¹⁵Keleh malalus kare taloh handiai te hapan katoton atei mangat oloh handiai mite ampin kamiar pambelom ayum.

¹⁶Keleh rende-rendeng dengan arepm tuntang rende-rendeng kea dengan auh ajarm. Keleh ikau baketep malalus taloh handiai te, basa tagal jete ikau akan manyalamat arepm kabuat tuntang kare oloh je mahining auhm.