Read Ngaju HAKIM 10 Bible Online

HAKIM 10 - Ngaju bible

HAKIM 10

¹Limbah Abimelekh matei, Tola anak Pua, jadi pamimpin uka maliwus oloh Israel. Ie eson Dodo bara suku Isaskar. Ie melai intu Semir hong tanah habukit Epraim.

²Due puluh nyelo katahie ie mamimpin ungkup Israel, limbah te ie matei palus ingubur intu Samir.

³Limbah Tola, Israel imimpin awi Yair due puluh due nyelo katahie. Yair asale bara Gilead.

⁴Anake je hatue aton telo puluh biti. Ain ewen aton telo puluh kongan kalidai je inungkang tuntang telo puluh lewu intu tanah Gilead. Kare lewu te magon inyewut kare lewu Yair.

⁵Yair palus matei, tuntang ingubur intu Kamon.

⁶Ungkup Israel badosa tinai intu taharep TUHAN. Ewen dia paduli TUHAN tuntang dia manyembah ie tinai. Ewen manyembah kare dewa Baal tuntang Astoret, tuntang kare dewa bangsa Siria, Sidon, Moab, Amon tuntang Pilistin.

⁷Awi te TUHAN sangit dengan ungkup Israel, sampai Ie manalua bangsa Pilistin tuntang bangsa Amon manguasa ewen.

⁸Hanya walas nyelo due bangsa te mahenyek uras oloh Israel je melai intu Gilead, iete tanah oloh Amori silan hila timor Sungei Yordan. Ewen mawi kare oloh Israel hapan katulas.

⁹Oloh Amon dimpah Sungei Yordan haream uka haguet mamarang suku Yuda, Benyamin tuntang Epraim sampai ungkup Israel paham kapehe.

¹⁰Palus ungkup Israel mangkariak manalih TUHAN, koae, “Ikei jari badosa Dengam, awi ikei dia paduli Ikau, o Hatallan ikei. Ikei manyembah kare dewa Baal.”

¹¹TUHAN tombah, “Bihin keton inguasa awi bangsa Misir, Amori, Amon, Pilistin, Sidon, Amalek tuntang bangsa Maon. Palus intu katika te keton mangkariak balaku awat dengang-Ku, dia kalote?

¹³Aloh kalote, keton magon manalikut Aku haream, palus haguet manyembah kare dewa. Toh Aku dia nahuang tinai maliwus keton.

¹⁴Lius ih akan kare dewa je intih keton te, mangkariak talih ewen! Nauhe ewen mandohop katika keton hong kapehe.”

¹⁵Tapi ungkup Israel hamauh dengan TUHAN, “Ikei jari badosa, TUHAN. Lalus en bewei je Ikau nahuang, asal Ikau mandohop ikei andau toh.”

¹⁶Limbah te ewen manganan uras hampatong dewa, palus manyembah Hatalla. Palus Hatalla masi mite ewen huang kapehe.

¹⁷Metoh te tantara Amon kanjerae tata-tatap handak parang. Ewen mampendeng kemah intu Gilead. Ungkup Israel kea jari hapumpong tuntang mampendeng kemah intu Gilead.

¹⁸Intu hete rayat tuntang kare pamimpin bara kare suku Israel te hisek sama arepe en aton marak ewen je bahanyi nampara kalahi malawan bangsa Amon. Oloh te kareh jadi pamimpin akan hapus oloh Gilead.