Read Ngaju HAKIM 17 Bible Online

HAKIM 17 - Ngaju bible

HAKIM 17

¹Aton ije biti oloh hatue arae Mikha. Ie melai intu tanah habukit intu daerah Epraim.

²Sinde andau ie hamauh dengan indue, “Mai, metoh umai nihau sakoyan saratus duit perak, aku mahining umai manyapa malinge. Toh mai, duite. Aku je manakaue!” Indue tombah, “Keleh ikau imberkat TUHAN, nak!”

³Mikha malian duit te akan indue, palus indue hamauh, “Anakku, mangat ikau ilapas bara sapangku te, aku maluput perak toh akan TUHAN uka ihapan mawi hampatong kayu je ngalukop hapan perak. Jadi duit te kareh iliangku akam.”

⁴Maka limbah Mikha malian duit te akan indue, indue te manduan due ratus kabawak bara duit te, tuntang manenga te akan ije biti tukang perak. Ie manyoho tukang te mawi ije hampatong kayu je ingalukop hapan perak te. Limbah te hampatong te iingkese intu human Mikha.

⁵Mikha kabuat jari aton ije eka manyembah. Ie manampa pire-pire hampatong dewa tuntang ije epod[17] palus mangkat ije bara anake je hatue jadi imam.

⁶ Metoh te bangsa Israel jaton ati raja. Genep biti mawi taloh je iniroke bujur.

⁷Katika te aton kea ije biti oloh tabela bara suku Lewi. Solake ie melai intu Betlehem tanah Yuda.

⁸Toh ie jari malihi lewu te tuntang metoh manggau eka melai je beken. Hong tanjonge te ie sampai intu human Mikha intu tanah habukit wilayah Epraim.

⁹Mikha misek dengae, “Pahari oloh kueh?” Oloh te tombah, “Aku toh oloh Lewi bara Betlehem intu Yuda. Aku toh metoh manggau ekaku melai.”

¹⁰Mikha hamauh, “Melai ih dengangku hetoh, mangat ikau jadi oloh je tau manenga tirok tuntang imam akan ikei. Kareh Aku manenga akam sapuluh duit perak sining nyelo, tinai pakaian tuntang panginan.”

¹¹Oloh tabela bara suku Lewi te maku, palus ie iangkat awi Mikha jadi imam ayue. Ie melai intu human Mikha hayak iawi kilau anak ayun Mikha kabuat.

¹³Koan Mikha, “Nah, toh aku percaya TUHAN kareh bahalap dengangku awi jari aton ije biti oloh Lewi je jadi imam akangku.”