Read Ngaju 1 SAMUEL 8 Bible Online

1 SAMUEL 8 - Ngaju bible

1 SAMUEL 8

¹Limbah Samuel jari bakas, ie mangkat kare anake manjadi hakim hong Israel.

²Anake je bakas arae Yoël tuntang je kaduee Abia. Ewen jadi hakim intu Berseba.

³Tapi ewen dia omba sunton bapa ewen, tapi baya manggau kaontong akae kabuat ih. Ewen manarima duit suap tuntang mahakim rayat dia bujur.

⁴Awi te kakare pamimpin oloh Israel hapumpong, palus manaharep Samuel intu Rama.

⁵ Ewen hamauh dengae, “Hining pak, bapa jari bakas tuntang kare anak bapa dia manumon sonto je ain bapa. Jadi labih bahalap bapa mangkat ije biti raja uka ikei aton raja kilau kare bangsa oloh beken.”

⁶Tapi Samuel dia sanang dengan tirok ewen te. Palus ie balakudoa intu TUHAN,

⁷tuntang TUHAN hamauh, “Tenga kare auh palakun bangsa te dengam. Awi dia ie ikau je inganan ewen tapi Aku. Ewen dia nahuang tinai Aku kilau rajan ewen.

⁸Bara Aku mimbit ewen balua bara Misir, ewen mules arepe manalikut Aku tuntang manyembah kare dewa; tuntang taloh je toh iawi ewen dengam, jete jari iawi ewen dengang-Ku.

⁹Awi te tenga taloh je ilaku ewen. Tapi pingat ewen toto-toto, tuntang kilen ampie rajan ewen kareh mawi taloh akan ewen.”

¹⁰Uras auh TUHAN te inyampai Samuel akan kare oloh je balaku ije raja dengae, koae,

¹¹“Tumon toh kare rajan keton mawi keton,” kalote Samuel manarang. “Ie kareh hajajuan kare anak keton tame tantara; belahe bara ewen kilau pasukan je manungkang kareta, belahe kilau pasukan je manungkang kuda, tuntang je beken kilau pasukan je mananjong.

¹²Belahe iangkate kilau pangkalima hunjun sakoyan biti, tuntang belahe je beken hunjun lime puluh biti. Raja te kareh hajajuan kare anak keton maluku tanae, tuntang mamumpong hasil tanae, manampa kare pakakas parange tuntang pakakas kareta parange.

¹³Kare anak keton je bawi kareh inyohoe mawi minyak je mangat ewaue akae tuntang bagawi jadi tukang pakasak taloh kinan akae tuntang tukang rote.

¹⁴Ie kareh manduan tanan keton, tuntang kabun saitun keton je pangkahalape tuntang manenga jete akan kare pagawaie.

¹⁵Sapersapuluh bara hasil tana tuntang kabon anggor keton kareh buah pajak palus inengae akan kare pagawaie.

¹⁶Ie kareh manduan jipen keton, meto ain keton[16] je pangkahalape tuntang kalidai keton tuntang ihapae akan kare taloh gawie.

¹⁷Sapersapuluh bara kawan kambing keton kareh induae, tuntang keton kabuat kareh jadi jipee.

¹⁸Amon wayah te sampai, keton kareh bakotok tagal raja je iintih keton te, tapi TUHAN dia maku mahining kare kapehen keton.”

¹⁹Tapi bangsa te dia maku paduli auh Samuel, ewen hamauh haream koae, “Nauhe! Aloh kilen ampie taloh je tau manjadi ikei nahuang mangat aton raja.

²⁰Ikei nahuang kilau kare bangsa beken; rajan ikei musti marentah ikei tuntang manganggulo ikei huang parang.”

²¹Limbah Samuel mahining auh ewen te, ie manyampai auh te akan TUHAN.

²²TUHAN tombah, “Numon ih kanahuang ewen tuntang angkat ije raja akan ewen.” Limbah te Samuel manyoho kare oloh Israel te buli akan huma ayu-ayue.