Read Ngemba 1 Timotyo 2 Bible Online

1 Timotyo 2 - Ngemba bible

1 Timotyo 2

¹A mbiʼnə, ma tiʼə nyíʼtə́ ngə́, alɔntɨ nɨ ntəm ɨtsum, atsaʼtɨ a Ŋwi, atsaʼtɨ a Ŋwi mbɨ́ʼ ɨbɛn bədaŋ abɔʼnɨ nga mɨya, á bɨ ngǎ a mətsen a mbó Ŋwi atú ɨbɛn bɨtsum;

²ghɨ a məzen atú bɨfɔ nkwiʼtɨ abvuʼ a ɨbɛn ba bɨ tsinɨ nɨ mɨtən a sáʼ ɨbɛn, taŋ á bɨgɨnə chi tsi nɨ ntsi mbyi za ɨ tsinɨ nɨ mbɔnɨ, nkɨ ntsi tɨ ndum, ntsi mbyi za ɨ tsinɨ nɨ nkɔʼsə atɨ́ tsum a mbó Ŋwi abɔʼnɨ mbɔm nchyɛ zɨ shiʼnɨ ə.

³Məzen a bɔŋə. A ghɨə ɨnye Ŋwi ndoŋ ɨwɨgɨnə bɔŋənə,

⁴zɨ wa a lɔnə ngə́ á bɨ ghɨ á ŋwɔn tsum a zhi nkənu, á bɨ tiʼ nkɨ ndoŋ awa lá.

⁵Mbɨ́ʼ ngə́ a tsi táʼ Ŋwi, a kɨ ntsi táʼ ŋwɔn wa a bosɨnə a Ŋwi bo bɨ ŋwɔn mɨsɔŋ a ntsu táʼ adiʼ, ŋwɔn wa bɨ tɔ́ŋnə́ ngə́ Kristo Yeso,

⁶zɨ wa a ghánɨ́ atuəmbəm azhi a ndzúŋ atú a ŋwɔn mɨsɔŋ a ntsu tsum ə. Məza a bé alɨgɨ a nye nyom wa a kúʼnɨ́nɨ́ ngə́ Ŋwi a lǒ ngə́ á bɨ loŋ a ŋwɔn tsum,

⁷nə nɨ anu za bɨ tságɨ́nɨ́ aghan ngə́ á ma be ntom Yeso abɔʼnɨ ndiʼ aŋwaʼnɨ wu bɨ ba a se bə Yuda be a nchwítɨ́ nkən abeməntəm abɔʼnɨ nkənu ə. Ka ma nchwě aghə ɨnu; ma sǒŋ nkənu ə!

⁸Ma lǒ ngə́ adiʼ atsum za nɨ ghotɨnɨ ɨwu a ngúʼsɨ́ Ŋwi, á mbáŋnɨ́ tsaʼtɨ a Ŋwi ə. A mətsiŋ mbáŋnɨ́ be mbáŋnɨ́ tsa tsɨ tsɔʼnɨ ɨtumbəm ɨtsa ndɛn a mbó Ŋwi ə. A nkfu za bo biʼnɨ mbó ɨma atɨ́ a ntsaʼtɨ Ŋwi, bo mɨ zagɨ ghɨ mə lan tɨ alwɛntɔŋ kə akwənkɨ bo bɨ ɨbɛn bə mɔʼɔ ghe.

⁹Ma kə́ ndǒ ngə́ á bəngye ngɨ̌ ɨnu a nye ndóm wa ɨ bɔnɨnɨ, nkwaʼtɨ ɨ shiʼnɨ mbɨ́ʼ ɨtsɛʼ ɨtsa nkə́ ngwəgɨ ɨtsɛʼ a nye ndóm wa ɨ kuʼnɨnɨ; nkeʼ nyɛtɨ ɨtú ɨtsa nɨ mɨsom be tɨ́sə́n kə nkwiʼtɨ a ŋwaʼŋwaʼ abɔʼnɨ mbaŋətuʼ a nye ɨnyɔŋ atú ɨtsa, kə ngwəgɨ ɨtsɛʼ atɨŋndvuŋ,

¹⁰lá á ngɨnɨ mɨnu ɨma bɔŋ, tsɛʼ adzaŋ za a kuʼnɨnɨ a mbó bəngye ba bo sóŋnə́ ngə́ bo zhi anu a Ŋwi lá.

¹¹A bəngye ngyɛ́ʼə́ a mu nchyɛ̌ tə ngámə́ abɔʼnɨ nchyɛ̌ a mu ɨshiʼtə nɨ ɨnye ɨtsa a ɨshe ɨtsum ə.

¹²Ma sa bem ngə́ á bo ndíʼə kə ntsi nɨ mɨtən atú mbáŋnɨ́; bo tsinɨ nchyɛ atəchi ɛ.

¹³Mbɨ́ʼ ngə́ bɨ fóm nkáʼ Adam, ntiʼ ndzɔŋtɨ nkáʼ a Ifa ghe.

¹⁴Satan sé tamtɨ lá Adam; wɛrə a támtɨ́ lá a mangye a fasɨ a nyɔngɔŋ Ŋwi ə.

¹⁵Lá bɨ ghɨ loŋ a mangye ɨ tsa a ndzum njwǐ ɨbɔ mbáʼ be a ghɔŋ a mu abeməntəm, akɔŋnɨ nɨ nɨfɛm nkə́ ngɨ̌ ɨnu a nye ndóm wa ɨ bɔnɨnɨ ə.