Read Nguna Togoa Etafe North JENESIS 36 Bible Online

JENESIS 36 - Nguna Togoa Etafe North bible

JENESIS 36

¹Go tea maga waia eu pei navakilinaana maga ni Esau (nae e pei Edom).

²Esau e piragi nagoroi aneana maga eu pei tea ni Kanaan; Adah natu ni Elon nawora ni Heth, go Oholibamah natu ni Anah, natu ni Sibeon nawora ni Hivah;

³Go Basemath natu ni Ishmael, Nebaioth gorena.

⁴Go Adah e magi Esau dape Elifas; go Basemath e dape Reuel;

⁵Go Oholibamah e dape Yeush, go Yalam, go Korah; tea maga wanogoe eu pei Esau natuna naanoai maga, waina eu maneana pakilina navanua ni Kanaan.

⁶Go Esau e puati nagoroi aneana maga, go natuna naanoai maga, go natuna nagoroi maga, go naatam̃oli mamau puti ni nasum̃a aneana, go katel aneana maga, go nalo tuavati warua aneana mamau puti, go naleo mamau puti waina e peani ra, waina e dalua ra navanua ni Kanaan; po paki navanua sikai padua ki taina Yakob pano.

⁷Nalakena naloriki adeada e p̃arua dapala ero pe ta dua doko tokora sikai maau mau; go navanua ni nam̃enakiatatokoana adeada maga e marisa silae ra nalakena katel adeada maga.

⁸Go Esau e doko tava ni Seir doko: Esau e pei Edom.

⁹Go tea maga waia eu pei navakilinaana maga ni Esau tama ni naworawora ni Edom waina eu doko tava ni Seir:

¹⁰Tea maga waia eu pei nagisa ni Esau natuna naanoai maga; Elifas natu ni Adah Esau anagoroi, Reuel natu ni Basemath Esau anagoroi.

¹¹Go Elifas natuna naanoai maga eu pei Teman, Omar, Sefo, go Catam, go Kenas.

¹²Go Timna e pei narup̃a ki Elifas Esau natuna; go e magi Elifas dape Amalek: tea maga wanogoe eu pei Adah natuna naanoai maga Esau anagoroi.

¹³Go tea maga waia eu pei Reuel natuna naanoai maga; Nahath, go Serah, Shammah, go Missah: tea maga wanogoe eu pei Basemath natuna naanoai maga Esau anagoroi.

¹⁴Go tea maga waia eu pei Oholibamah natuna naanoai maga Anah natuna nagoroi, Sibeon natuna nagoroi, Esau anagoroi, go e magi Esau dape Yeush, go Yalam, go Korah.

¹⁵Tea maga waia eu pei tea maraki maga ni Esau natuna naanoai maga: Elifas natuna naanoai maga Esau natuna takalapa; Teman tea maraki, Omar tea maraki, Sefo tea maraki,

¹⁶Kenas tea maraki, Korah tea maraki, Catam tea maraki, Amalek tea maraki: tea maga wanogoe eu pei tea maraki maga waina eu pei natu ni Elifas navanua ni Edom; tea maga wanogoe eu pei Adah natuna naanoai maga.

¹⁷Go tea maga waia eu pei Reuel natuna naanoai maga Esau natuna naanoai; Nahath tea maraki, Serah tea maraki, Shammah tea maraki, Missah tea maraki; tea maga wanogoe eu pei tea maraki maga waina eu pei natu ni Reuel navanua ni Edom; tea maga wanogoe eu pei Basemath natuna naanoai maga Esau anagoroi.

¹⁸Go tea maga waia eu pei Oholibamah natuna naanoai maga Esau anagoroi; Yeush tea maraki, Yalam tea maraki, Korah tea maraki: tea maga wanogoe eu pei tea maraki maga waina eu pei natu ni Oholibamah, Anah natuna nagoroi, Esau anagoroi.

¹⁹Tea maga wanogoe eu pei Esau natuna naanoai maga, go tea maga wanogoe eu pei tea maraki adeada maga: nae e pei Edom.

²⁰Tea maga waia eu pei Seir natuna naanoai maga nawora ni Hor, naatatoko maga ni navanua; Lotan go Shobal go Sibeon go Anah,

²¹Go Dishon go Eser go Dishan: tea maga wanogoe eu pei tea maraki maga ni naworawora ni Hor, Seir natuna maga waina eu doko navanua ni Edom.

²²Go Lotan natuna maga eu pei Hori go Hemam; go Lotan gorena e pei Timna.

²³Go tea maga waia eu pei Shobal natuna maga Alvan go Manahath go Ebal, Shefo go Onam.

²⁴Go tea maga waia eu pei Sibeon natuna maga; Aiah go Anah: nae e pei Anah waina e pap̃ai namata noai vivitinu maga masop̃alo, ragi waina e leo parati ki ass maga ki tamana Sibeon.

²⁵Go tea maga waia eu pei Anah natuna maga; Dishon go Oholibamah Anah natuna nagoroi.

²⁶Go tea maga waia eu pei Dishon natuna maga; Hemdan go Eshban go Ithran go Keran.

²⁷Tea maga waia eu pei Eser natuna maga; Bilhan go Saavan go Akan.

²⁸Tea maga waia eu pei Dishan natuna maga; Us go Aran.

²⁹Tea maga waia eu pei tea maraki maga ni naworawora ni Hor; Lotan tea maraki, Shobal tea maraki, Sibeon tea maraki,

³⁰Anah tea maraki, Dishon tea maraki, Eser tea maraki, Dishan tea maraki: tea maga wanogoe eu pei tea maraki maga ni naworawora ni Hor, pae tea maraki adeada maga navanua ni Seir.

³¹Go tea maga waia eu pei nawota maga waina eu maramara navanua ni Edom, ragi waina te nawota e ko da maramara dap̃au Israel natuna maga mau.

³²Go Bela natu ni Beor e maramara Edom; go nagisa ni natokoana aneana e pei Dinhabah.

³³Go Bela e mate, go Yobab natu ni Serah ni Bosrah e maramara oli a.

³⁴Go Yobab e mate, go Husham ni navanua ni naworawora ni Teman e maramara oli a.

³⁵Go Husham e mate, go Hadad natu ni Bedad, waina e atu Midian navanua ni Moab, e maramara oli a: go nagisa ni natokoana aneana e pei Avith.

³⁶Go Hadad e mate, go Samlah ni Masrekah e maramara oli a.

³⁷Go Samlah e mate, go Shaul ni Rehoboth waina e doko pisari Noaisara e maramara oli a.

³⁸Go Shaul e mate, go Baal‐hanan natu ni Akbor e maramara oli a.

³⁹Go Baal‐hanan natu ni Akbor e mate, go Hadar e maramara oli a: go nagisa ni natokoana aneana e pei Pau; go nagisa ni anagoroi e pei Mehetabel, Matred natuna nagoroi, Me‐sahab natuna nagoroi.

⁴⁰Go tea maga waia eu pei nagisa ni tea maraki maga ni naworawora ni Esau, pae naworaworada maga, pae tokora adeada maga, nagisada maga; Timnah tea maraki, Alvah tea maraki, Yetheth tea maraki;

⁴¹Oholibamah tea maraki, Elah tea maraki,

⁴²Pinon tea maraki; Kenas tea maraki, Teman tea maraki, Mibsar tea maraki;

⁴³Makdiel tea maraki, Iram tea maraki: tea maga wanogoe eu pei tea maraki maga ni Edom, pae natokoana adeada maga ni navanua ni naveaniana adeada. Nae e pei Esau tama ni naworawora ni Edom.