Read Nguna Togoa Etafe North JENESIS 5 Bible Online

JENESIS 5 - Nguna Togoa Etafe North bible

JENESIS 5

¹Tea waia e pei tusi ni navakilinaana maga ni Adam. Naaleatia waina Sup̃e e dawona ki naatam̃oli asa, e mari a e dakiusi Sup̃e;

²E dawona ki da ero pei naanoai go nagoroi; go e pasa m̃ata ki da, po soso nagisada ki Adam, naaleatia waina ero pei tea tawonakiana asa.

³Go Adam e mauri natau p̃onotia sikai rualima takuna dolu, po pesi natuna naanoai sikai waina e dakiusi a, e pei nununa; go e soso nagisana ki Seth:

⁴Go naaleatia maga ki Adam edaku ki e pesi Seth, eu pei natau p̃onotia latolu: go e pesi natuna naanoai maga go natuna nagoroi maga.

⁵Go naaleatia mamau puti waina Adam e mauri asa eu pei natau p̃onotia loveti rualima takuna dolu: go e mate.

⁶Go Seth e mauri natau p̃onotia sikai tamate lima, po pesi Enosh:

⁷Go Seth e mauri edaku ki e pesi Enosh natau p̃onotia latolu tamate larua, po pesi natuna naanoai maga go natuna nagoroi maga:

⁸Go naaleatia mamau puti ki Seth eu pei natau p̃onotia loveti rualima takuna sikai tamate dua: go e mate.

⁹Go Enosh e mauri natau rualima loveti, po pesi Kenan:

¹⁰Go Enosh e mauri edaku ki e pesi Kenan natau p̃onotia latolu rualima takuna sikai tamate lima, po pesi natuna naanoai maga go natuna nagoroi maga:

¹¹Go naaleatia mamau puti ki Enosh eu pei natau p̃onotia loveti tamate lima: go e mate.

¹²Go Kenan e mauri natau rualima larua, po pesi Mahalalel:

¹³Go Kenan e mauri edaku ki e pesi Mahalalel natau p̃onotia latolu rualima takuna pati, po pesi natuna naanoai maga go natuna nagoroi maga:

¹⁴Go naaleatia mamau puti ki Kenan eu pei natau p̃onotia loveti rualima takuna sikai: go e mate.

¹⁵Go Mahalalel e mauri natau rualima latesa tamate lima, po pesi Yared:

¹⁶Go Mahalalel e mauri edaku ki e pesi Yared natau p̃onotia latolu rualima takuna dolu, po pesi natuna naanoai maga go natuna nagoroi maga:

¹⁷Go naaleatia mamau puti ki Mahalalel eu pei natau p̃onotia latolu rualima takuna loveti tamate lima: go e mate.

¹⁸Go Yared e mauri natau p̃onotia sikai rualima takuna latesa tamate dua, po pesi Enok:

¹⁹Go Yared e mauri edaku ki e pesi Enok natau p̃onotia latolu, po pesi natuna naanoai maga go natuna nagoroi maga:

²⁰Go naaleatia mamau puti ki Yared eu pei natau p̃onotia loveti rualima takuna latesa tamate dua: go e mate.

²¹Go Enok e mauri natau rualima latesa tamate lima, po pesi Methuselah:

²²Go Enok e surata sikoti Sup̃e edaku ki e pesi Methuselah natau p̃onotia dolu, po pesi natuna naanoai maga, go natuna nagoroi maga:

²³Go naaleatia mamau puti ki Enok eu pei natau p̃onotia dolu rualima takuna latesa tamate lima:

²⁴Go Enok e surata sikoti Sup̃e: go e da doko mau; nalakena Sup̃e e dape a.

²⁵Go Methuselah e mauri natau p̃onotia sikai rualima takuna latolu tamate larua, po pesi Lamek:

²⁶Go Methuselah e mauri edaku ki e pesi Lamek natau p̃onotia larua rualima takuna latolu tamate dua, po pesi natuna naanoai maga go natuna nagoroi maga:

²⁷Go naaleatia mamau puti ki Methuselah eu pei natau p̃onotia loveti rualima takuna latesa tamate loveti: go e mate.

²⁸Go Lamek e mauri natau p̃onotia sikai rualima takuna latolu tamate dua, po pesi natuna naanoai sikai:

²⁹Go e soso nagisana ki Noah, e naga, Tea waia ega wo pasapakavakale gida nalakena nawosiana anigida go nalakena namawosaana ni nam̃elearugida, nalakena natano waina Yehovah e pasa sa ki nia.

³⁰Go Lamek e mauri edaku ki e pesi Noah natau p̃onotia lima rualima takuna loveti tamate lima, po pesi natuna naanoai maga go natuna nagoroi maga:

³¹Go naaleatia mamau puti ki Lamek eu pei natau p̃onotia larua rualima takuna larua tamate larua: go e mate.

³²Go Noah e pei tea ni natau p̃onotia lima: go Noah e pesi Shem, Ham, go Yafeth.