Read Nguna Togoa Etafe North 1 KRONIKEL MAGA 25 Bible Online

1 KRONIKEL MAGA 25 - Nguna Togoa Etafe North bible

1 KRONIKEL MAGA 25

¹Go David nara ma tea maraki maga ni taua navakalo, eu mari masale ki Asaf go Heman, go Yeduthun natuda maga seara kakada paki nawosiana ni nasuasuaana, naga euga veanoasai pilake harp maga, go pilake salteri maga, go pilake simbal maga: go naveveana ni tea maga waina eu mari nawosiana wanogoe pataka ni nasuasuaana adeada e pei:

²Ni Asaf natuna maga; Sakkur, go Yosef, go Nethaniah, go Asharelah, Asaf natuna maga; eu doko etano ni nam̃elearu ni Asaf, waina e peanoasai pae natip̃akiana ki nawota.

³Ni Yeduthun: Yeduthun natuna maga; Cedaliah, go Seri, go Yeshaiah, Hashabiah, go Mattithiah, nara eu latesa; eu doko etano ni nam̃elearu ni tamada Yeduthun, waina e pilake harp, waina e peanoasai doko do pitua ki navasadodom̃atakiana po do samasama ni Yehovah.

⁴Ni Heman: Heman natuna maga; Bukkiah, Mattaniah, Ussiel, Shebuel, go Yerimoth, Hananiah, Hanani, Eliathah, Ciddalti, go Romamti‐eser, Yoshbekashah, Mallothi, Hothir, Mahasioth.

⁵Tea maga mamau puti wanogoe eu pei Heman natuna maga, Heman tea kikita ki nawota pae navasaana maga ki Sup̃e, naga ega sike a. Go Sup̃e e dua Heman natuna naanoai rualima sikai tamate pati, go natuna nagoroi dolu.

⁶Tea maga mamau puti wanogoe eu doko etano ni nam̃elearu ni tamada naga euga lega doko nasum̃a ki Yehovah, euga vilake simbal maga, go salteri maga, go harp maga, naga euga mari nawosiana ni nasuasuaana ni nasum̃a ki Sup̃e; Asaf, Yeduthun go Heman eu doko etano ni natip̃akiana ki nawota.

⁷Go naveveana ni tea maga wanogoe, nara ma taida maga waina eu pei tea vasapiseikiana ki nalegaana paki Yehovah, tea mamau puti waina eu lega atae, eu pei naatam̃oli p̃onotia dua rualima takuna latolu tamate latolu.

⁸Go eu nadi ki gole nalo ni nawosiana adeada, tea vakitano go tea vakilagi, tea vasapiseiki go tea vasapiseikiana, eu pitotowo.

⁹Go gole vea e magi Yosef tea ni Asaf dave umai: kerua e magi Cedaliah; nara ma taina maga go natuna maga eu pei naatam̃oli rualima sikai tamate dua:

¹⁰Ketolu e magi Sakkur, nara ma natuna maga go taina maga, rualima sikai tamate dua:

¹¹Kevati e magi Isri, nara ma natuna maga go taina maga, rualima sikai tamate dua:

¹²Kelima e magi Nethaniah, nara ma natuna maga go taina maga, rualima sikai tamate dua:

¹³Kelatesa e magi Bukkiah, nara ma natuna maga go taina maga, rualima sikai tamate dua:

¹⁴Kelarua e magi Yesharelah, nara ma natuna maga go taina maga, rualima sikai tamate dua:

¹⁵Kelatolu e magi Yeshaiah, nara ma natuna maga go taina maga, rualima sikai tamate dua:

¹⁶Keloveti e magi Mattaniah, nara ma natuna maga go taina maga, rualima sikai tamate dua:

¹⁷Kerualima e magi Shimei, nara ma natuna maga go taina maga, rualima sikai tamate dua:

¹⁸Kerualima sikai tamate sikai e magi Asarel, nara ma natuna maga go taina maga, rualima sikai tamate dua:

¹⁹Kerualima sikai tamate dua e magi Hashabiah, nara ma natuna maga go taina maga, rualima sikai tamate dua:

²⁰Kerualima sikai tamate dolu e magi Shubael, nara ma natuna maga go taina maga, rualima sikai tamate dua:

²¹Kerualima sikai tamate pati e magi Mattithiah, nara ma natuna maga go taina maga, rualima sikai tamate dua:

²²Kerualima sikai tamate lima e magi Yeremoth, nara ma natuna maga go taina maga, rualima sikai tamate dua:

²³Kerualima sikai tamate latesa e magi Hananiah, nara ma natuna maga go taina maga, rualima sikai tamate dua:

²⁴Kerualima sikai tamate larua e magi Yoshbekashah, nara ma natuna maga go taina maga, rualima sikai tamate dua:

²⁵Kerualima sikai tamate latolu e magi Hanani, nara ma natuna maga go taina maga, rualima sikai tamate dua:

²⁶Kerualima sikai tamate loveti e magi Mallothi, nara ma natuna maga go taina maga, rualima sikai tamate dua:

²⁷Kerualima dua e magi Eliathah, nara ma natuna maga go taina maga, rualima sikai tamate dua:

²⁸Kerualima dua tamate sikai e magi Hothir, nara ma natuna maga go taina maga, rualima sikai tamate dua:

²⁹Kerualima dua tamate dua e magi Ciddalti, nara ma natuna maga go taina maga, rualima sikai tamate dua:

³⁰Kerualima dua tamate dolu e magi Mahasioth, nara ma natuna maga go taina maga, rualima sikai tamate dua:

³¹Kerualima dua tamate pati e magi Romamti‐eser, nara ma natuna maga go taina maga, rualima sikai tamate dua.