Read Nguna Togoa Etafe North 1 KRONIKEL MAGA 26 Bible Online

1 KRONIKEL MAGA 26 - Nguna Togoa Etafe North bible

1 KRONIKEL MAGA 26

¹Nalo ni natap̃otawotaeana ni tea vavaigoro maga ni namata‐pua maga: ni naworawora ni Korah; Meshelemiah natu ni Kore, Asaf natuna maga sikai kakada.

²Go Meshelemiah e peani natuna maga; Sekariah takalapa, Yediael taka rausi a, Sebadiah ketolu, Yathniel kevati;

³Elam kelima, Yehohanan kelatesa, Eliehoenai kelarua.

⁴Go Obed‐edom e peani natuna maga; Shemaiah takalapa, Yehosabad taka rausi a, Yoah ketolu, go Sakar kevati, go Nethanel kelima; Ammiel kelatesa,

⁵Issakar kelarua, Peullethai kelatolu: nalakena Sup̃e e pasa p̃ia ki nia.

⁶Go natuna maga eu magi natuna Shemaiah pakilina, waina eu maramara dap̃au nasum̃a ki tamada: nalakena eu pei m̃aau maga.

⁷Shemaiah natuna maga; Othni, go Refael, go Obed, Elsabad, waina taina maga eu pei m̃aau maga, Elihu, go Semakiah.

⁸Tea maga mamau puti wanogoe eu pei Obed‐edom natuna maga: nara ma natuda maga go taida maga, naatam̃oli maga ni namarimatuaana doko nakasuaana ni nawosiana ni nasuasuaana; tea ni Obed‐edom rualima latesa tamate dua.

⁹Go Meshelemiah e peani natuna maga go taina maga, eu pei m̃aau maga, naatam̃oli rualima sikai tamate latolu.

¹⁰Go Hosah, Merari natuna maga sikai kakada, e peani natuna maga; Shimri e pei nap̃auda, (nae e da pei takalapa, ma tamana e mari a e pei nap̃auda;)

¹¹Hilkiah kerua kakana, Tebaliah ketolu, Sekariah kevati: Hosah natuna maga go taina maga eu mamau puti pei naatam̃oli rualima sikai tamate dolu.

¹²Natap̃otawotaeana maga wanogoe ni tea vavaigoro maga ni namata‐pua maga, naatam̃oli vakilagi maga seara kakada, eu peani nawosiana adeada dakiusi taida maga, naga euga suasua doko nasum̃a ki Yehovah.

¹³Go eu nadi ki gole maga, eu magi tea vakitano maga go tea vakilagi maga mari a, pae nasum̃a maga ni tamada maga sikasikai, raki sara namata‐pua adeada maga sikasikai.

¹⁴Go gole paki taleva ni elo sake e magi Shelemiah dowo. Go eu magi natuna Sekariah, tea vusum̃aki midoaki p̃otae sikai, nadi ki gole; go gole aneana e dave umai paki taleva ni ep̃au.

¹⁵Agi Obed‐edom paki taleva ni etua; go agi natuna maga, nasum̃a natauakiana.

¹⁶Agi Shuppim go Hosah paki taleva ni elo musu, pisari namata‐pua ni Shalleketh, doko napua ni nasakesakeana, tea vavai e lawodu pitata paki tea vavai.

¹⁷Doko taleva ni elo sake, naworawora ni Levi eu latelatesa, taleva ni ep̃au eu pativati, taleva ni etua eu pativati, go doko nasum̃a natauakiana eduarua, e dapala nogoe doko sara naaleatia.

¹⁸Doko Parbar paki taleva ni elo musu, eu pativati eu doko napua, go eduarua ero doko Parbar.

¹⁹Tea maga wanogoe eu pei natap̃otawotaeana ni tea vavaigoro maga ni namata‐pua maga; eu pei Korah natuna maga, go Merari natuna maga.

²⁰Go ni naworawora ni Levi, Ahiyah e pei tea leo parati ki dap̃au nasum̃a maga ni natauakiana ni naleo wia maga ni nasum̃a ki Sup̃e, go e pei tea leo parati ki dap̃au nasum̃a maga ni natauakiana ni naleo tapu maga.

²¹Ladan natuna maga; naworawora ni Cershon natuna maga waina eu pei agi Ladan, nap̃au maga ni nasum̃a maga ni tamada maga waina eu pei agi Ladan, naatam̃oli sikai ni Cershon; Yehieli.

²²Yehieli natuna maga; Setham, go taina Yoel, tea leo parati ki dap̃au nasum̃a maga ni natauakiana ni naleo wia maga ni nasum̃a ki Yehovah.

²³Ni naworawora ni Amram, ni naworawora ni Ishar, ni naworawora ni Hebron, ni naworawora ni Ussiel:

²⁴Go Shebuel, natu ni Cershom, natu ni Moses, e pei tea maraki dap̃au nasum̃a maga ni natauakiana ni naleo wia maga.

²⁵Go taina maga; m̃elu Elieser, natuna Rehabiah, go natuna Yeshaiah, go natuna Yoram, go natuna Sikri, go natuna Shelomoth.

²⁶Shelomoth wanogoe go taina maga eu pei tea leo parati ki maga dap̃au nasum̃a maga mamau puti ni natauakiana ni naleo tapu maga, waina nawota David, go nap̃au maga ni nasum̃a maga ni tamada maga, tea maraki maga ni manu maga go ni p̃onotia maga, go tea maraki maga ni taua navakalo maga, eu dapugoro ra.

²⁷M̃elu tea vuti‐lua‐pavakotoana waina eu dape pavakoto asa doko navakalo maga, eu dapugoro seara kakada euga vei navituaana maga naga euga tavagi piri nasum̃a ki Yehovah.

²⁸Go tea mamau puti waina Samuel tea kikita, go Saul natu ni Kish, go Abner natu ni Ner, go Yoab natu ni Seruiah eu pea dapugoro ra; go sara naleo waina te naata e dapugoro ra, eu doko etano ki nam̃elearu ni Shelomoth, go ni taina maga.

²⁹Ni naworawora ni Ishar, Kenaniah go natuna maga eu pei tea leo parati ki maga ni naleo maga ni katama dap̃au Israel, eu pei tasiga maga go tea vasap̃otae maga.

³⁰Ni naworawora ni Hebron, Hashabiah go taina maga, eu pei m̃aau maga, naatam̃oli manu sikai go p̃onotia larua, eu pei tea leo parati ki maga dap̃au Israel taleva kerua ni Yordan paki elo musu; nalo ni naleo maga mamau puti ni nawosiana ki Yehovah, go nalo ni nawosiana ni nasuasuaana ki nawota.

³¹Ni naworawora ni Hebron, Yeriyah e pei nap̃au ni naworawora ni Hebron, pae tagona adeada maga ni nasum̃a maga ni tamada maga. Doko natau kerualima pati ni namaramaraana ki David, eu laaga po pap̃ai naatam̃oli kasua maga ni namarimatuaana m̃aleoputo kakada doko Yaser ni Cilead.

³²Go taina maga, m̃aau maga, eu pei naatam̃oli manu dua go p̃onotia larua, nap̃au maga ni nasum̃a maga ni tamada maga, waina nawota David e mari ra eu pei tea maraki maga dap̃au naworawora ni Reuben, go naworawora ni Cad, go namagovai ni naworawora ni Manasseh, nalo ni sara naleo waina eu pei tea ki Sup̃e, go nalo ni naleo maga waina eu pei tea ki nawota.