Read Nguna Togoa Etafe North 1 KRONIKEL MAGA 27 Bible Online

1 KRONIKEL MAGA 27 - Nguna Togoa Etafe North bible

1 KRONIKEL MAGA 27

¹Go Israel natuna maga pae naveveana adeada, nap̃au maga ni nasum̃a maga ni tamada maga, go tea maraki maga ni manu maga go ni p̃onotia maga, go tasiga adeada maga waina eu magi nawota suasua doko nawosiana visarasara maga nalo ni natap̃otawotaeana maga, waina eu sili umai po dave pano atelagi rausi atelagi usuraki atelagi maga mamau puti ni natau, naveveana mamau puti tivilia dua go manu pati.

²Yashobeam natu ni Sabdiel e pei tea maraki dap̃au natap̃otawotaeana vea ni atelagi vea: go natap̃otawotaeana aneana tivilia dua go manu pati.

³Nae e pei Peres natuna maga sikai kakada, e pei nap̃au ni tea maraki maga mamau puti ni taua navakalo doko atelagi vea.

⁴Go Dodai tea ni naworawora ni Ahoah e pei nap̃au ni natap̃otawotaeana ni atelagi kerua; go Mikloth e pei tea maraki kakana: go natap̃otawotaeana aneana tivilia dua go manu pati.

⁵Go tea maraki ketolu ni taua navakalo raki atelagi ketolu e pei Benaiah, natu ni Yehoiada tea viri warua liu: go natap̃otawotaeana aneana tivilia dua go manu pati.

⁶Benaiah wanogoe e pei nae waina e pei naatam̃oli marimatua ni tea rualima dolu waina, go e pei nap̃auda: natuna Ammisabad e pei tea sikai ni natap̃otawotaeana aneana.

⁷Tea maraki kevati raki atelagi kevati e pei Asahel, Yoab taina, go natuna Sebadiah e edakugoro e: go natap̃otawotaeana aneana tivilia dua go manu pati.

⁸Tea maraki kelima raki atelagi kelima e pei Shamhuth tea ni naworawora ni Isra: go natap̃otawotaeana aneana tivilia dua go manu pati.

⁹Tea maraki kelatesa raki atelagi kelatesa e pei Ira natu ni Ikkesh tea ni naworawora ni Tekoa: go natap̃otawotaeana aneana tivilia dua go manu pati.

¹⁰Tea maraki kelarua raki atelagi kelarua e pei Heles tea ni naworawora ni Pelon, Efraim natuna maga sikai kakada: go natap̃otawotaeana aneana tivilia dua go manu pati.

¹¹Tea maraki kelatolu raki atelagi kelatolu e pei Sibbekai naatam̃oli sikai ni Hushah, ni naworawora ni Serah: go natap̃otawotaeana aneana tivilia dua go manu pati.

¹²Tea maraki keloveti raki atelagi keloveti e pei Abieser, naatam̃oli sikai ni Anathoth, ni naworawora ni Benyamin: go natap̃otawotaeana aneana tivilia dua go manu pati.

¹³Tea maraki kerualima raki atelagi kerualima e pei Maharai, naatam̃oli sikai ni Netofah, ni naworawora ni Serah: go natap̃otawotaeana aneana tivilia dua go manu pati.

¹⁴Tea maraki kerualima sikai tamate sikai raki atelagi kerualima sikai tamate sikai e pei Benaiah naatam̃oli sikai ni Pirathon, ni Efraim natuna maga: go natap̃otawotaeana aneana tivilia dua go manu pati.

¹⁵Tea maraki kerualima sikai tamate dua raki atelagi kerualima sikai tamate dua e pei Heldai, naatam̃oli sikai ni Netofah, ni naworawora ni Othniel: go natap̃otawotaeana aneana tivilia dua go manu pati.

¹⁶Go tea maga waina eu dap̃au naworawora maga ni Israel: tea maraki dap̃au naworawora ni Reuben e pei Elieser natu ni Sikri: ni naworawora ni Simeon e pei Shefatiah natu ni Maakah:

¹⁷Ni naworawora ni Levi, Hashabiah natu ni Kemuel: ni Aaron, Sadok:

¹⁸Ni Yudah, Elihu, David taina maga sikai kakada: ni Issakar, Omri natu ni Mikael:

¹⁹Ni Sebulun, Ishmaiah natu ni Obadiah: ni Naftali, Yeremoth natu ni Asriel:

²⁰Ni Efraim natuna maga, Hoshea natu ni Asasiah: ni namagovai ni naworawora ni Manasseh, Yoel natu ni Pedaiah:

²¹Ni namagovai ni naworawora ni Manasseh waina e doko Cilead, Iddo natu ni Sekariah: ni naworawora ni Benyamin, Yaasiel natu ni Abner:

²²Ni naworawora ni Dan, Asarel natu ni Yeroham. Tea maga wanogoe eu pei tea maraki maga ni naworawora maga ni Israel.

²³Ma tea maga kakada waina eu ko da pei tea ni natau rualima dua, David e da peve ra mau: nalakena Yehovah e sai naga ega wo mari Israel ega wo disu po laapa dapala m̃asoe maga ni nakoroatelagi.

²⁴Yoab natu ni Seruiah e pae asa peve ra, ma e da peve sua ra mau; nalakena tea wanogoe namaetoana e pakilina ki Israel asa; go totowo ni naveveana kakada e da pei tea midiriana tusi ni nawosiana ni naaleatia maga ki nawota David mau.

²⁵Go Asmaveth natu ni Adiel e pei tea leo parati ki dap̃au nasum̃a maga ni natauakiana ni naleo wia maga ki nawota: go Yonathan natu ni Ussiah e dap̃au nasum̃a maga ni natauakiana ni naleo wia maga waina eu doko vanua maga, go natokoana maga go natokoana kakana maga, go nasum̃a vakilagi maga:

²⁶Go Esri natu ni Kelub e pei tea tap̃au dap̃au tea maga waina eu mari nawosiana ni vanua, tea kili natano maga:

²⁷Go Shimei naatam̃oli sikai ni Ramath, e pei tea tap̃au dap̃au roara maga ni vaine: go Sabdi naatam̃oli sikai ni Shifmi e pei tea tap̃au dap̃au nawa ni roara ni vaine maga raki em̃ago maga waina eu daua ki waine asa.

²⁸Go Baal‐hanan naatam̃oli ni Ceder e pei tea tap̃au dap̃au nakau oliva maga go nakau naita maga waina eu doko malo matemate maga ni etano: go Yoash e pei tea tap̃au dap̃au em̃ago maga waina eu daua ki naroro asa:

²⁹Go Shitrai tea ni Sharon e pei tea tap̃au dap̃au navata maga ni katel waina eu ganikani navanua ni Sharon: go Shafat natu ni Adlai e pei tea tap̃au dap̃au navata maga ni katel waina eu doko nap̃aloa maga:

³⁰Go Obil tea ni Ishmael e pei tea tap̃au dap̃au kamel maga: go Yehdeiah tea ni Meronoth e pei tea tap̃au dap̃au ass maga:

³¹Go Yasis tea ni Hakar e pei tea tap̃au dap̃au navata maga ni shiip. Tea maga mamau puti wanogoe eu pei tea maraki maga dap̃au naveaniana ki nawota David.

³²Go Yonathan, David aloana, e pei tea vusum̃aki sikai, naatam̃oli sikai ni namidoakiataeana, go tea midiri sikai: go Yehiel natu ni Hakmoni e pei tea toko raki nawota natuna maga:

³³Go Ahithofel e pei tea vusum̃aki ki nawota: go Hushai tea ni Arik e pei ta ni nawota:

³⁴Go Yehoiada natu ni Benaiah e edakugoro Ahithofel po doko oli a, nara ma Abiathar: go Yoab e pei tea maraki taua navakalo ki nawota.