Read Nguna Togoa Etafe North 1 KRONIKEL MAGA 4 Bible Online

1 KRONIKEL MAGA 4 - Nguna Togoa Etafe North bible

1 KRONIKEL MAGA 4

¹Go Yudah natuna naanoai maga; Peres, Hesron, go Karmi, go Hur, go Shobal.

²Go Reaiah, natu ni Shobal, e pesi Yahath; go Yahath e pesi Ahumai, go Lahad. Tea maga wanogoe eu pei Sorah naworana maga.

³Go Etam natuna naanoai maga; Yesreel, go Ishma, go Idbash: go goreda nagisana Hasselelponi:

⁴Go Penuel tama ni Cedor, go Eser tama ni Hushah. Tea maga wanogoe eu pei Hur, tea takalapa ki Efrathah, tama ni Bethlehem, natuna naanoai maga.

⁵Go Ashur, tama ni Tekoa, e dawiri nagoroi dua, Helah, go Naarah.

⁶Go Naarah e maneana dape Ahussam, go Hefer, go Temeni, go Haahashtari. Tea maga wanogoe eu pei Naarah natuna naanoai maga.

⁷Go Helah natuna naanoai maga, Sereth, Ishar, go Ethnan.

⁸Go Hakkos e pesi Anub, go Sobebah, go Aharhel, natu ni Harum, naworana maga.

⁹Go Yabes e pei tea dodomadaganiana p̃arua liu taina maga: go p̃ilana e salagisana ki Yabes, doko do naga, Nalakena a dape a doko narogokitesaana.

¹⁰Go Yabes e pioso paki Sup̃e ki Israel, po naga, Oh, ku pe vasap̃ia kinau, po mari kokoi aginau e pe welewelea, go nam̃elearum̃a e pe toko au, go ku pe mauti au pa dua ki tea sa, naga a pe ta dogokitesa asa mau, e pe wia! Go Sup̃e e dua e tea waina e pavara ni a asa.

¹¹Go Kelub, Shuhah taina, e pesi Mehir, waina e pei tama ni Eshton.

¹²Go Eshton e pesi Beth‐rafa, go Paseah, go Tehinnah tama ni Ir‐nahash. Tea maga wanogoe eu pei naatam̃oli maga ni Rekah.

¹³Go Kenas natuna naanoai maga; Othniel, go Seraiah: go Othniel natuna naanoai maga; Hathath.

¹⁴Go Meonothai e pesi Ofrah: go Seraiah e pesi Yoab tama ni Ke‐harashim; nalakena nara eu pei mataisau maga.

¹⁵Go Kaleb natu ni Yefuneh, natuna naanoai maga; Iru, Elah, go Naam: go Elah natuna naanoai maga; go Kenas.

¹⁶Go Yehallelel natuna naanoai maga; Sif, go Sifah, Tiria, go Asarel.

¹⁷Go Esrah natuna naanoai maga; Yether, go Mered, go Efer, go Yalon.

¹⁸Go tea maga waia eu pei Bithiah, Faraoh natuna nagoroi waina Mered e dawiri a, natuna naanoai maga; e dape Miriam, go Shammai, go Ishbah, tama ni Eshtemoa. Go Eshtemoa anagoroi, tea ni Yudea, e dape Yered tama ni Cedor, go Heber tama ni Soko, go Yekuthiel tama ni Sanoah.

¹⁹Go Hodiah anagoroi, Naham gorena, natuna naanoai maga, eu pei tama ni Keilah tea ni Karma, go ni Eshtemoa tea ni Maakah.

²⁰Go Shimon natuna naanoai maga; Amnon, go Rinnah, Ben‐hanan, go Tilon. Go Ishi natuna naanoai maga; Soheth, go Ben‐soheth.

²¹Go Shelah natu ni Yudah natuna naanoai maga; Er tama ni Lekah, go Laadah tama ni Mareshah, go naworana maga ni nasum̃a ki tea wosiwosi maga ni linen wia, tea ni nasum̃a ni Ashbea.

²²Go Yokim, go naatam̃oli maga ni Koseba, go Yoash, go Saraf, waina e maramara doko Moab, go Yashubi‐lehem. Go navasaana maga waia eu midiri ra ragi ni tuai.

²³Tea maga wanogoe eu pei tea mari lasa ni naruku, go eu pei naatatoko maga ni Netaim go Kederah: eu magi nawota suasua doko tokora wanogoe.

²⁴Simeon natuna naanoai maga; Nemuel, go Yamin, Yarib, Serah, Shaul:

²⁵Natuna Shallum, natuna Mibsam, natuna Mishma.

²⁶Go Mishma natuna naanoai maga; natuna Hammuel, natuna Sakkur, natuna Shimei.

²⁷Go Shimei e peani natuna naanoai rualima sikai tamate latesa go natuna nagoroi latesa; ma taina natuda maga eu da laapa, go naworada eu da disu po laapa dakiusi Yudah natuna maga.

²⁸Go nara eu doko Beer‐sheba doko, go Moladah, go Hasar‐shual;

²⁹Go Bilhah, go Esem, go Tolad;

³⁰Go Bethuel, go Hormah, go Siklak;

³¹Go Beth‐markaboth, go Hasar‐susim, go Beth‐biri, go Shaaraim. Tea maga wanogoe eu pei natokoana adeada maga pa pa paki ragi ni namaramaraana ki David.

³²Go natokoana kakada maga eu pei Etam, go Ain, Rimmon, go Token, go Ashan, natokoana lima:

³³Pilake natokoana kakada maga waina eu doko dalivirigoro natokoana maga wanogoe pa pa liliu Baal. Tea maga wanogoe eu pei tokora tokoana adeada maga, go eu pavaigoro nanoaana ni navakilinaana adeada.

³⁴Go Meshobab, go Yamlek, go Yoshah natu ni Amasiah;

³⁵Go Yoel, go Yehu natu ni Yoshibiah, natu ni Seraiah, natu ni Asiel;

³⁶Go Elioenai, go Yaakobah, go Yeshohaiah, go Asaiah, go Adiel, go Yesimiel, go Benaiah;

³⁷Go Sisa natu ni Shifi, natu ni Allon, natu ni Yedaiah, natu ni Shimri, natu ni Shemaiah;

³⁸Tea maga wanogoe waina eu noa nagisada eu pei tea maraki maga doko naworada maga: go nasum̃a maga ni tamada maga eu disu po laapa.

³⁹Go eu surata pa pa paki namasova ni namata‐pua ni Cedor, pa pa paki taleva ni elo sake ni nap̃aloa, naga euga magi navata adeada maga laaga malo kanikani.

⁴⁰Go eu pap̃ai malo kanikani mamalakesa go wia, go navanua e p̃elewelea po matemate po datam̃ate doko; nalakena naworawora ni Ham eu doko asa doko pae ragi ni tuai.

⁴¹Go tea maga waia waina nagisada eu pei tea midiriana, eu rumai naaleatia maga ki Hesekiah nawota ni Yudah, po atugi tap̃aup̃au adeada maga, go naworawora ni Meunim waina eu pei tea vap̃aiana doko asa, po mari puoli ki da, pa pa paki naaleatia waia, po doko naliada doko: nalakena malo kanikani agi navata adeada maga eu doko tokora wanogoe.

⁴²Go nara seara kakada, Simeon natuna maga, naatam̃oli p̃onotia lima, eu paki tava Seir pano, go tea maraki adeada maga eu pei Pelatiah, go Neariah, go Refaiah, go Ussiel, Ishi natuna maga.

⁴³Go eu atugi tea ni Amalek namagovai kakada waina e pei tea toropusiana doko, po doko tokora wanogoe, pa pa paki naaleatia waia.