Read Nguna Togoa Etafe North 1 KRONIKEL MAGA 6 Bible Online

1 KRONIKEL MAGA 6 - Nguna Togoa Etafe North bible

1 KRONIKEL MAGA 6

¹Levi natuna maga: Cershon, Kohath, go Merari.

²Kohath natuna maga; Amram, Ishar, go Hebron, go Ussiel.

³Go Amram natuna maga; Aaron, go Moses, go Miriam. Go Aaron natuna maga; Nadab go Abihu, Eleasar, go Ithamar.

⁴Eleasar e pesi Finehas, Finehas e pesi Abishua;

⁵Go Abishua e pesi Bukki, go Bukki e pesi Ussi;

⁶Go Ussi e pesi Serahiah, go Serahiah e pesi Meraioth;

⁷Go Meraioth e pesi Amariah, go Amariah e pesi Ahitub;

⁸Go Ahitub e pesi Sadok, go Sadok e pesi Ahimaas;

⁹Go Ahimaas e pesi Asariah, go Asariah e pesi Yohanan;

¹⁰Go Yohanan e pesi Asariah, (nae waina e mari nawosiana ni tea viri doko nasum̃a waina Solomon e davagi a Yerusalem:)

¹¹Go Asariah e pesi Amariah, go Amariah e pesi Ahitub;

¹²Go Ahitub e pesi Sadok, go Sadok e pesi Shallum;

¹³Go Shallum e pesi Hilkiah, go Hilkiah e pesi Asariah;

¹⁴Go Asariah e pesi Seraiah, go Seraiah e pesi Yehosadak;

¹⁵Go Yehosadak e pei tea viragi‐luapavakotoana pano, ragi waina Yehovah e piragi lua pavakoto Yudah go Yerusalem pano ki nam̃elearu ni Nebukadnessar.

¹⁶Levi natuna maga; Cershom, Kohath, go Merari.

¹⁷Go Cershom natuna maga nagisada maga; Libni go Shimei.

¹⁸Go Kohath natuna maga; Amram go Ishar, go Hebron, go Ussiel.

¹⁹Merari natuna maga; Mahli go Mushi. Go tea maga waia eu pei naworawora ni Levi naworada maga pae nasum̃a maga ni tamada maga.

²⁰Ni Cershom; natuna Libni, natuna Yahath, natuna Simmah;

²¹Natuna Yoah, natuna Iddo, natuna Serah, natuna Yeatherai.

²²Kohath natuna maga; natuna Amminadab, natuna Korah, natuna Assir;

²³Natuna Elkanah, natuna Ebiasaf, natuna Assir;

²⁴Natuna Tahath, natuna Uriel, natuna Ussiah, natuna Shaul.

²⁵Go Elkanah natuna maga; Amasai, go Ahimoth.

²⁶Ni Elkanah: Elkanah natuna maga; natuna Sofai, go natuna Nahath;

²⁷Natuna Eliab, natuna Yeroham, natuna Elkanah.

²⁸Go Samuel natuna maga; tea takalapa Yoel, go tea taka rausi a Abiyah.

²⁹Merari natuna maga; Mahli, natuna Libni, natuna Shimei, natuna Ussah;

³⁰Natuna Shimea, natuna Hakkiah, natuna Asaiah.

³¹Go tea maga wanogoe David e lawo ki da eu dap̃au nawosiana ni nasuasuaana ni nalegaana doko nasum̃a ki Yehovah, ragi waina areka e peani namaromaroana.

³²Go eu magi Yehovah suasua pilake nalegaana narae ni nasum̃atokoana ni tap̃aup̃au ni nasaisaiana, pa pa paki ragi waina Solomon e davagi nasum̃a ki Yehovah doko Yerusalem: go eu mari nawosiana adeada pataka ni nasuasuaana visarasara adeada maga.

³³Go tea maga waia eu pei nara waina eu mari nawosiana ni nasuasuaana, nara ma natuda maga. Ni naworawora ni Kohath natuna maga: Heman tea lega, natu ni Yoel, natu ni Samuel;

³⁴Natu ni Elkanah, natu ni Yeroham, natu ni Eliel, natu ni Toah;

³⁵Natu ni Suf, natu ni Elkanah, natu ni Mahath, natu ni Amasai;

³⁶Natu ni Elkanah, natu ni Yoel, natu ni Asariah, natu ni Sefaniah;

³⁷Natu ni Tahath, natu ni Assir, natu ni Ebiasaf, natu ni Korah;

³⁸Natu ni Ishar, natu ni Kohath, natu ni Levi, natu ni Israel.

³⁹Go Asaf, waina e du taleva ni matua ni taina, Asaf wanogoe natu ni Berekiah, natu ni Shimea;

⁴⁰Natu ni Mikael, natu ni Baaseiah, natu ni Malkiyah;

⁴¹Natu ni Ethni, natu ni Serah, natu ni Adaiah;

⁴²Natu ni Ethan, natu ni Simmah, natu ni Shimei;

⁴³Natu ni Yahath, natu ni Cershom, natu ni Levi.

⁴⁴Go taida maga, Merari natuna maga, eu du taleva ni mawiri: Ethan natu ni Kishi, natu ni Abdi, natu ni Malluk;

⁴⁵Natu ni Hashabiah, natu ni Amasiah, natu ni Hilkiah;

⁴⁶Natu ni Amsi, natu ni Bani, natu ni Shemer;

⁴⁷Natu ni Mahli, natu ni Mushi, natu ni Merari, natu ni Levi.

⁴⁸Go taida maga naworawora ni Levi eu pei tea lawokiana dap̃au nawosiana visarasara maga mamau puti ni nasuasuaana ni nasum̃atokoana ni nasum̃a tapu ki Sup̃e.

⁴⁹Ma Aaron go natuna maga eu pitua ki naviriana maga wede ni naviriana ni navituaana tap̃arakiana, go wede ni tea ni nap̃o wia, eu mari nawosiana mamau puti ni tokora tapu liu, po magi Israel mari natap̃augoroana pataka ni tea mamau puti waina Moses tea suasua ki Sup̃e e pitip̃aki asa.

⁵⁰Go tea maga waia eu pei Aaron natuna maga; natuna Eleasar, natuna Finehas, natuna Abishua;

⁵¹Natuna Bukki, natuna Ussi, natuna Serahiah;

⁵²Natuna Meraioth, natuna Amariah, natuna Ahitub;

⁵³Natuna Sadok, natuna Ahimaas.

⁵⁴Go tea maga waia eu pei tokora tokoana adeada maga pae nasum̃a ni p̃aaka adeada maga doko m̃aleoputo ni kokoi adeada maga: eu dua Aaron natuna maga, tea ni nawora maga ni Kohath, nalakena gole vea e pei adeada,

⁵⁵Eu dua ra Hebron ni navanua ni Yudah, go napega kakana maga dalivirigoro e;

⁵⁶Ma vanua maga ni natokoana warua wanogoe, go natokoana kakana maga, eu dua Kaleb natu ni Yefuneh ara.

⁵⁷Go eu dua Aaron natuna maga natokoana maga ni nasavasiliana: Hebron, Libnah go napega kakana maga, go Yattir, go Eshtemoa go napega kakana maga;

⁵⁸Go Hilen go napega kakana maga, Debir go napega kakana maga;

⁵⁹Go Ashan go napega kakana maga, go Bethshemesh go napega kakana maga:

⁶⁰Go m̃elu naworawora ni Benyamin; Ceba go napega kakana maga, go Allemeth go napega kakana maga, go Anathoth go napega kakana maga. Natokoana adeada maga mamau puti usuraki naworada maga eu pei natokoana rualima sikai tamate dolu.

⁶¹Go eu dua Kohath natuna maga, tea ni naworaworada waina eu pei tea toropusiana doko, eu dua ra pae gole m̃elu nawora maga ni naworawora, m̃elu namagovai ni naworawora ni Manasseh, natokoana rualima sikai.

⁶²Go eu dua Cershom natuna maga, pae naworada maga, m̃elu naworawora ni Issakar, go m̃elu naworawora ni Asher, go m̃elu naworawora ni Naftali, go m̃elu naworawora ni Manasseh doko Bashan, natokoana rualima sikai tamate dolu.

⁶³Go eu dua Merari natuna maga pae gole, pae naworada maga, m̃elu naworawora ni Reuben, go m̃elu naworawora ni Cad, go m̃elu naworawora ni Sebulun, natokoana rualima sikai tamate dua.

⁶⁴Go Israel natuna maga eu dua naworawora ni Levi natokoana maga go napega kakada maga.

⁶⁵Go eu pitua pae gole m̃elu naworawora ni Yudah natuna maga, go m̃elu naworawora ni Simeon natuna maga, go m̃elu naworawora ni Benyamin natuna maga, ki natokoana maga waia waina eu pei tea sosoana pae nagisada.

⁶⁶Go nawora maga ni Kohath natuna maga seara kakada eu peani natokoana maga m̃elu naworawora ni Efraim.

⁶⁷Eu dua ra natokoana maga ni nasavasiliana: Shekem ni navanua ni tava ki Efraim go napega kakana maga; go Ceser go napega kakana maga;

⁶⁸Go Yokmeam go napega kakana maga, go Beth‐horon go napega kakana maga;

⁶⁹Go Aiyalon go napega kakana maga, go Cathrimmon go napega kakana maga:

⁷⁰Go m̃elu namagovai ni naworawora ni Manasseh; Aner go napega kakana maga, go Bileam go napega kakana maga, eu pei agi Kohath natuna maga naworada maga waina eu pei tea toropusiana doko.

⁷¹Go eu dua Cershom natuna maga, m̃elu namagovai ni naworawora ni Manasseh, Colan ni Bashan go napega kakana maga, go Ashtaroth go napega kakana maga:

⁷²Go m̃elu naworawora ni Issakar; Kedesh go napega kakana maga, Daberath go napega kakana maga;

⁷³Go Ramoth go napega kakana maga, go Anem go napega kakana maga:

⁷⁴Go m̃elu naworawora ni Asher; Mashal go napega kakana maga, go Abdon go napega kakana maga;

⁷⁵Go Hukok go napega kakana maga, go Rehob go napega kakana maga:

⁷⁶Go m̃elu naworawora ni Naftali; Kedesh ni Calilea go napega kakana maga, go Hammon go napega kakana maga, go Kiriathaim go napega kakana maga.

⁷⁷Go eu dua Merari natuna maga namagovai kakada waina eu pei tea toropusiana doko, m̃elu naworawora ni Sebulun, Rimmon go napega kakana maga, Tabor go napega kakana maga:

⁷⁸Go doko Yeriko taleva kerua ni Yordan, taleva ni elo sake ni Yordan, m̃elu naworawora ni Reuben, Beser waina e doko masop̃alo go napega kakana maga, go Yahsah go napega kakana maga,

⁷⁹Go Kedemoth go napega kakana maga, go Mefaath go napega kakana maga:

⁸⁰Go m̃elu naworawora ni Cad; Ramoth ni Cilead go napega kakana maga, go Mahanaim go napega kakana maga,

⁸¹Go Heshbon go napega kakana maga, go Yaser go napega kakana maga.