Read Nguna Togoa Etafe North 1 KRONIKEL MAGA 7 Bible Online

1 KRONIKEL MAGA 7 - Nguna Togoa Etafe North bible

1 KRONIKEL MAGA 7

¹Go Issakar natuna maga; Tola, go Puah, Yashub, go Shimron, nara eu pati.

²Go Tola natuna maga; Ussi, go Refaiah, go Yeriel, go Yahmai, go Ibsam, go Shemuel, nap̃au maga ni nasum̃a maga ni tamada maga, ni Tola nogo; m̃aau maga ni tagona adeada maga: naveveana kakada naaleatia maga ki David e pei manu p̃onotia dua, tivilia dua go p̃onotia latesa.

³Go Ussi natuna maga; Israhiah: go Israhiah natuna maga; Mikael, go Obadiah, go Yoel, Isshiah, nara eu lima: eu mamau puti pei nap̃au maga ni naatam̃oli.

⁴Nara ma tagona maga ni naatam̃oli maga ni navakalo tivilia dolu go manu latesa, pae tagona adeada maga, pae nasum̃a maga ni tamada maga, eu mamau doko: nalakena adagoroi maga go natuda maga eu laapa.

⁵Go taida maga m̃aleoputo ni nawora maga mamau puti ni Issakar, m̃aau maga pae nanoaana ni navakilinaana, eu pei naatam̃oli tivilia latolu go manu larua.

⁶Benyamin natuna maga; Bela, go Beker, go Yediael, nara eu dolu.

⁷Go Bela natuna maga; Esbon, go Ussi, go Ussiel, go Yerimoth, go Iri, nara eu lima; nap̃au maga ni nasum̃a maga ni tamada maga, m̃aau maga; go eu pei tea veveana pae navakilinaana, eu pei naatam̃oli tivilia dua, manu dua, go rualima takuna dolu tamate pati.

⁸Go Beker natuna maga; Semirah, go Yoash, go Elieser, go Elioenai, go Omri, go Yeremoth, go Abiyah, go Anathoth, go Alemeth. Tea maga mamau puti wanogoe eu pei Beker natuna maga.

⁹Go eu pei tea noaana pae navakilinaana, pae tagona adeada maga, nap̃au maga ni nasum̃a maga ni tamada maga, m̃aau maga, naatam̃oli tivilia dua p̃onotia dua.

¹⁰Go Yediael natuna maga; Bilhan, go Bilhan natuna maga; Yeush, go Benyamin, go Ehud, go Kenaanah, go Sethan, go Tarshish, go Ahishahar.

¹¹Tea maga mamau puti wanogoe eu pei Yediael natuna maga, pae nap̃au maga ni nasum̃a maga ni tamada maga, m̃aau maga, naatam̃oli tivilia sikai manu larua go p̃onotia dua, waina eu mariatae dave pano sikoti taua ni naatam̃oli paki navakalo.

¹²Nara ma Shuppim, go Huppim, Ir natuna maga, go Hushim natu ni Aher.

¹³Naftali natuna maga; Yahsiel, go Cuni, go Yeser, go Shallum, Bilhah natuna maga.

¹⁴Manasseh natuna maga; Asriel, waina anagoroi e dape a: (narup̃a aneana, nagoroi ni Aram, e maneana dape Makir tama ni Cilead:

¹⁵Go Makir e dawiri Huppim go Shuppim, goreda nagisana Maakah;) go kerua nagisana Selofehad: go Selofehad e peani natuna nagoroi maga.

¹⁶Go Maakah, Makir anagoroi, e dape natuna naanoai sikai, go e salagisana ki Peresh; go taina nagisana Sheresh; go natuna maga Ulam go Rakem.

¹⁷Go Ulam natuna maga; Bedan. Tea maga wanogoe eu pei Cilead natuna maga, Cilead natu ni Makir, natu ni Manasseh.

¹⁸Go gorena Hammoleketh e dape Ishdod, go Abieser, go Mahlah.

¹⁹Go Shemida natuna maga Ahian, go Shekem, go Likhi, go Aniam.

²⁰Go Efraim natuna maga; Shuthelah, go natuna Bered, go natuna Tahath, go natuna Eleadah, go natuna Tahath.

²¹Go natuna Sabad, go natuna Shuthelah, go Eser, go Elead, waina naatam̃oli maga ni Cath waina eu pakilina navanua eu atugi a, nalakena eu siwo umai naga euga viragi lua pavakoto katel adeada maga.

²²Go tamada Efraim e dagi naaleatia laapa, go taina maga eu rumai naga euga vasapakavakale a.

²³Go e pa punusi anagoroi, go e diena, po dape natuna naanoai sikai, go e salagisana ki Beriah, nalakena tea sa e pakilina nasum̃a aneana.

²⁴Go natuna nagoroi e pei Sheerah, waina e davagi Beth‐horon ni etano go ni elagi, go Ussen‐sheerah.

²⁵Go Refah e pei natuna naanoai, go Reshef, go natuna Telah, go natuna Tahan;

²⁶Natuna Ladan, natuna Ammihud, natuna Elishama;

²⁷Natuna Nun, natuna Yoshua.

²⁸Go tea veaniana adeada maga go tokora tokoana adeada maga eu pei Beth‐el, go natokoana kakana maga, go Naaran paki taleva ni elo sake, go Ceser paki taleva ni elo musu, pilake natokoana kakana maga; go Shekem go natokoana kakana maga, pa pa liliu Assah go natokoana kakana maga:

²⁹Go pisari kokoi maga ki Manasseh natuna maga, Beth‐shean go natokoana kakana maga, Taanak go natokoana kakana maga, Mekiddo go natokoana kakana maga, Dor go natokoana kakana maga. Yosef natu ni Israel, natuna maga eu doko tokora maga wanogoe doko.

³⁰Asher natuna maga; Imnah, go Ishvah, go Ishvi, go Beriah, go goreda Serah.

³¹Go Beriah natuna maga; Heber, go Malkiel, waina e pei tama ni Birsaith.

³²Go Heber e pesi Yaflet, go Shomer, go Hotham, go goreda Shua.

³³Go Yaflet natuna maga; Pasak, go Bimhal, go Ashvath. Tea maga wanogoe eu pei Yaflet natuna maga.

³⁴Go Shemer natuna maga; Ahi, go Rohkah, Yehubbah, go Aram.

³⁵Go taina Helem natuna maga; Sofah, go Imna, go Shelesh, go Amal.

³⁶Sofah natuna maga; Suah, go Harnefer, go Shual, go Beri, go Imrah;

³⁷Beser, go Hod, go Shamma, go Shilshah, go Ithran, go Beera.

³⁸Go Yether natuna maga; Yefuneh, go Pispah, go Ara.

³⁹Go Ulla natuna maga; Arah, go Hanniel, go Risia.

⁴⁰Tea maga mamau puti wanogoe eu pei Asher natuna maga, nap̃au maga ni nasum̃a maga ni tamada maga, tea matadoaana maga m̃aau maga, tea maraki warua liu maga. Go naveveana kakada pae nanoaana ni navakilinaana, ki tea maga waina eu mariatae paki navakalo, eu pei naatam̃oli tivilia dua go manu latesa.