Read Nguna Togoa Etafe North 2 KRONIKEL MAGA 21 Bible Online

2 KRONIKEL MAGA 21 - Nguna Togoa Etafe North bible

2 KRONIKEL MAGA 21

¹Go Yehoshafat e maturu sikoti tamana maga, go e pei tea ovakiana e one sikoti tamana maga natokoana ki David: go natuna Yehoram e maramara du oli a.

²Go e peani taina maga, Yehoshafat natuna maga, Asariah, go Yehiel, go Sekariah, go Asariah, go Mikael, go Shefatiah: tea maga mamau puti wanogoe eu pei Yehoshafat nawota ni Israel natuna maga.

³Go tamada e dua ra navituaana warua maga, ni silver, go ni kold, go ni naleo wia masauniana maga, pilake natokoana p̃aakagoroana maga doko Yudah: ma e dua Yehoram namarakiana, nalakena nae e pei takalapa.

⁴Go ragi waina Yehoram e sake paki malo tasake ki tamana po pei tea lawosokiana e doko kasua dap̃au namarakiana, e atugi puti taina maga ki lova, go tea maraki maga ni Israel seara kakada.

⁵Yehoram e pei tea ni natau rualima dolu tamate dua ragi waina e pae asa maramara; go e maramara Yerusalem natau latolu.

⁶Go e surata napua ki nawota maga ni Israel, dapala tea ni nasum̃a ki Ahab: nalakena e dawiri Ahab natuna nagoroi: go e mari tea waina e sa namata ni Yehovah.

⁷Ma Yehovah e da masauna naga ega mari puoli ki nasum̃a ki David mau, nalakena navasasokiana waina e mari a paki David, go nalakena e mari nasaiana sikai naga ega tua ra nara ma natuna maga nasulu sikai waina ega tu du po du mau du.

⁸Doko naaleatia aneana maga naworawora ni Edom eu mari p̃auluulu po m̃elu dua ki nam̃elearu ni Yudah, po dum̃ada madeada pusake nawota sikai dap̃au ra.

⁹Go Yehoram e surata duagoto pano, nara ma tea maraki aneana maga, go kariot aneana maga mamau puti: go e duleana p̃ogi, po atugi naworawora ni Edom waina eu dalivirigoro e, nara ma tea maraki maga ni kariot maga.

¹⁰Dapala nogoe Edom e mari p̃auluulu po m̃elu dua ki nam̃elearu ni Yudah, pa pa paki naaleatia waia: go ragi sikai maau wanogoe Libnah nae ma e mari p̃auluulu po m̃elu dua ki nam̃elearuna: nalakena e doropusi Yehovah, Sup̃e ki tamana maga.

¹¹Go e mari tokora vakilagi maga doko tava maga ni Yudah, go e mari naatatoko maga ni Yerusalem eu maripele pano, go e piragi sasap̃o ki Yudah.

¹²Go navasaana midiriana sikai e pae profeta Eliyah umai paki nia, e naga, Yehovah, Sup̃e ki tamam̃a David e noa dapala nea, e naga, Nalakena ku da surata napua maga ki tamam̃a Yehoshafat, kite napua maga ki Asa, nawota ni Yudah mau;

¹³Ma ku surata napua ki nawota maga ni Israel, go ku mari Yudah go naatatoko maga ni Yerusalem eu maripele pano, dapala waina tea ni nasum̃a ki Ahab eu pea mari a; go nalakena ku atugi taim̃a maga, tea ni nasum̃a ki tamam̃a, waina eu p̃ia do liu ko:

¹⁴P̃a leo, Yehovah ega wo atugi narei anigo, go natum̃a maga, go nagoroi anigo maga, go sara naleo anigo, ki namarisakiana warua liu sikai:

¹⁵Go p̃a wo sasana p̃arua ki nasasanaana sikai ni namaritam̃a, pa pa namaritam̃a maga euga m̃elu nalakena nasasanaana wanogoe, naaleatia paki naaleatia.

¹⁶Go Yehovah e surupugoni naata ni Filistine maga, go ni tea ni Arabia, waina eu doko m̃aladigi ki tea ni Ethiopia, naga euga mari dip̃a Yehoram.

¹⁷Go eu sake umai dip̃a Yudah, po dave duap̃ora paki nia, po dape lua pavakoto sara navatuna waina eu pei tea vap̃aiana nasum̃a ki nawota, go e piragi lua pavakoto natuna maga, go nagoroi aneana maga; go natuna maga te sikai kakada e da maneana pei tea toropusiana e mauri doko mau, ma Yehoahas natuna takariki mau e sikina.

¹⁸Go edaku ki tea mamau puti wanogoe, Yehovah e atugi a ki nasasanaana sa sikai doko namaritana waina e mari sap̃o pei tea maripauriana asa.

¹⁹Go e pakilina, ragi kakana, nanopuana ni natau kerua, naga namaritana maga eu m̃elu nalakena nasasanaana aneana, go e mate nalakena nasasanaana sa liu maga. Go narei aneana eu da maneana mari natap̃arakiana sikai mau, dapala natap̃arakiana waina eu magi tamana maga mari a.

²⁰E pei tea ni natau rualima dolu tamate dua ragi waina e pae asa maramara, go e maramara Yerusalem natau latolu: go e pano puoli, go eu da dagisi a mau; go eu ova ki nia natokoana ki David, ma eu da ova ki nia matigo maga ki nawota maga mau.