Read Nguna Togoa Etafe North ESRA 10 Bible Online

ESRA 10 - Nguna Togoa Etafe North bible

ESRA 10

¹Go ragi waina Esra e do dapasavasa, po do mari nanoasaiana, doko do dagi po ditip̃atua kivea ni nasum̃a ki Sup̃e, taua warua sikai ni naatam̃oli maga ni Israel, naanoai go nagoroi go piakirikiri maga, eu pei tea viragi‐saisai‐kiana umai punusi a: go narei eu dagi p̃arua.

²Go Shekaniah, natu ni Yehiel, Elam natuna naanoai maga sikai kakada, e pasa paki Esra, po naga, Tu mari naleo sa dip̃a Sup̃e anigida, waina tu dawiri nagoroi p̃ota maga ni narei maga ni navanua: ma naleogoroana e ko magi Israel doko.

³Go nalakena tea wanogoe, tuga mari navasasokiana sikai paki Sup̃e anigida, naga tuga tip̃aki lua nagoroi maga mamau puti wanogoe waina tu dawiri ra, go tea maga waina eu madeada pakilina, dapala namidoakip̃otaeana ki nawota aginau, go ki tea maga waina eu matau ki natip̃akiana ki Sup̃e anigida; go ega vei tea mariana dapala nawotaeana.

⁴P̃a tuleana; nalakena naleo wanogoe e pei tea anigo, go tuga mamau asa: p̃a viviari po mari a.

⁵Go Esra e duleana, po mari tea vakilagi maga ni tea viri maga, naworawora ni Levi, go Israel mamau, eu pivisa naga euga mari dapala navasaana wanogoe. Go dapala nogoe eu pivisa asa.

⁶Go Esra e duleana pa dua ki kivea ni nasum̃a ki Sup̃e, po sili paki ekopu ni em̃ago ki Yehohanan, natu ni Eliashib: go e m̃enaki asa, e da gani te navatuna kite munu te noai mau: nalakena e susue natapiriana ki tea ni tea viragi‐lua‐pavakotoana maga.

⁷Go eu dogorogo ki navasaana sikai usuraki Yudah go Yerusalem paki tea ni tea viragi‐lua‐pavakotoana maga, naga euga tum̃ada piragi saisai ki da paki Yerusalem;

⁸Go naata waina e pe ta umai m̃ogi dolu dapala nanoap̃otaeana ki tea maraki maga go tea matua maga mau, naata wanogoe naleo aneana maga mamau puti euga vei tea tapeluaana kiana, go nae ega vei tea vualuaana pa dua ki taua ki tea ni tea viragi‐luapavakotoana maga.

⁹Go naatam̃oli maga mamau puti ni Yudah go ni Benyamin eu dum̃ada piragi saisai ki da Yerusalem m̃ogi dolu; e pei atelagi keloveti, nakup̃a kerualima dua kakana: go narei mamau eu doko natano tokora welewelea kivea ni nasum̃a ki Sup̃e, eu duruuru nalakena naleo wanogoe, go nalakena usa warua.

¹⁰Go Esra tea viri e duleana, po pasa paki da, e naga, Nimu ku mari naleo sa, ku dawiri nagoroi p̃ota maga, po mari natapiriana ni Israel e p̃arua.

¹¹Go nalakena tea wanogoe kuga mari nanoasaiana paki Yehovah, Sup̃e ki tamamu maga, po mari pataka ni namasauana aneana: go kuga vamawota m̃elu dua ki narei maga ni navanua go m̃elu dua ki nagoroi p̃ota maga wanogoe.

¹²Go nasaisaiana mamau e pasadara ki nadaleo kasua sikai, po naga, Dapala waina nigo ku pasa asa nalo kakagami, dapala nogoe e one gami one naga auga mari a.

¹³Ma naatam̃oli au laapa, go e pei ragi ni usa warua, go au mari sa doko katama doko, go tea wanogoe e da pei nawosiana ni naaleatia sikai kite dua mau: nalakena au dapiri p̃arua nalo ni naleo wanogoe.

¹⁴Go ragi waia tea maraki aginami maga euga magi nasaisaiana mamau pei tea tawonakiana, go tea maga mamau puti ni natokoana aginami maga, waina eu dawiri sua nagoroi p̃ota maga, euga umai ragi tatutakiana maga, nara ma tea matua maga ni sara natokoana, go tea vasap̃otae adeada maga, pa pa namaetoana vivitinu ki Sup̃e aginami nalo ni naleo wanogoe ega liliu pa dua ki gami.

¹⁵Yonathan, natu ni Asahel, go Yahseiah natu ni Tikvah, ero masikida dugoro naleo wanogoe: ma Meshullam go Shabbethai, tea ni naworawora ni Levi, ero silae ra.

¹⁶Go tea ni tea viragi‐lua‐pavakotoana maga eu mari dapala nogoe. Go Esra tea viri, nara ma te seara ni nap̃au maga ni nasum̃a maga ni tamada maga, pae nasum̃a maga ki tamada maga, go nagisada maga eu pei tea noaana, nara eu pei tea mari‐masale‐kiana; go naaleatia vea ni atelagi kerualima, eu doko natano naga euga midoakiusiusi naleo wanogoe.

¹⁷Go pea ki naaleatia vea ni atelagi vea, eu leousiusi sua nalo ni tea maga mamau puti waina eu dawiri nagoroi p̃ota maga.

¹⁸Go tea viri natuda maga waina e pei tea vap̃aiana naga eu dawiri nagoroi p̃ota maga, eu pei tea maga waia: ni Yeshua natuna maga, Yosadak natuna go taina maga Maaseiah go Elieser, go Yarib go Cedaliah.

¹⁹Go eu pitua ki nam̃elearuda naga euga tip̃aki lua nagoroi adeada maga pano; eu pei tap̃aro, go eu pitua ki shiip anoai sikai ni navata e pei navituaana ni natapiriana adeada.

²⁰Go ni Immer natuna maga: Hanani go Sebadiah.

²¹Go ni Harim natuna maga; Maaseiah, go Eliyah, go Shemaiah, go Yehiel, go Ussiah.

²²Go ni Pashur natuna maga; Elioenai, Maaseiah, Ishmael, Nethanel, Yosabad, go Elasah.

²³Go naworawora ni Levi; Yosabad, go Shimei, go Kelaiah (nae e pei Kelita), Pethahiah, Yudah, go Elieser.

²⁴Go ni tea lega maga; Eliashib: go ni tea leo parati ki namata maga; Shallum, go Telem, go Uri.

²⁵Go ni Israel: ni Parosh natuna maga; Ramiah, go Issiah, go Malkiyah, go Miyamin, go Eleasar, go Malkiyah, go Benaiah.

²⁶Go ni Elam natuna maga; Mattaniah, Sekariah, go Yehiel, go Abdi, go Yeremoth, go Eliyah.

²⁷Go ni Sattu natuna maga; Elioenai, Eliashib, Mattaniah, go Yeremoth, go Sabad, go Asisa.

²⁸Go ni Bebai natuna maga; Yehohanan, Hananiah, Sabbai, Athlai.

²⁹Go ni Bani natuna maga; Meshullam, Malluk, go Adaiah, Yashub, go Sheal, Yeremoth.

³⁰Go ni Pahathmoab natuna maga; Adna, go Kelal, Benaiah, Maaseiah, Mattaniah, Besalel, go Binnui, go Manasseh.

³¹Go ni Harim natuna maga; Elieser, Isshiyah, Malkiyah, Shemaiah, Shimeon;

³²Benyamin, Malluk, Shemariah.

³³Ni Hashum natuna maga; Mattenai, Matatah, Sabad, Elifelet, Yeremai, Manasseh, Shimei.

³⁴Ni Bani natuna maga; Maadai, Amram, go Uel;

³⁵Benaiah, Bedeiah, Keluhi;

³⁶Vaniah, Meremoth, Eliashib;

³⁷Mattaniah, Mattenai, go Yaasu;

³⁸Go Bani, go Binnui, Shimei;

³⁹Go Shelemiah, go Nathan, go Adaiah;

⁴⁰Maknadebai, Shashai, Sharai;

⁴¹Asarel, go Shelemiah, Shemariah; Shallum, Amariah, Yosef.

⁴²Ni Nebo natuna maga;

⁴³Yeiel, Mattithiah, Sabad, Sebina, Iddo, go Yoel, Benaiah.

⁴⁴Tea maga mamau puti wanogoe eu dawiri nagoroi p̃ota maga: go te seara eu peani nagoroi waina eu madeada dape natuda maga.