Read Nguna Togoa Etafe North ESRA 8 Bible Online

ESRA 8 - Nguna Togoa Etafe North bible

ESRA 8

¹Go tea maga waia eu pei nap̃au maga ni nasum̃a maga ni tamada maga, go tea waia e pei nanoaana ni navakilinaana ki tea maga waina eu sikoti au sake pae Babelon pano, doko ragi ni namaramaraana ki nawota Artakserses.

²Go ni Finehas natuna maga, Cershom: ni Ithamar natuna maga, Daniel: ni David natuna maga, Hattush.

³Ni Shekaniah natuna maga; ni Parosh natuna maga, Sekariah: go naanoai p̃onotia sikai rualima takuna lima waina nanoaana ni navakilinaana e pei tea midiriana sikoti a.

⁴Ni Pahathmoab natuna maga, Eliehoenai natu ni Serahiah: go naanoai p̃onotia dua eu sikoti a.

⁵Ni Shekaniah natuna maga, natu ni Yahasiel; go naanoai p̃onotia dolu eu sikoti a.

⁶Go ni Adin natuna maga, Ebed natu ni Yonathan; go naanoai rualima lima eu sikoti a.

⁷Go ni Elam natuna maga, Yeshaiah natu ni Athaliah; go naanoai rualima larua eu sikoti a.

⁸Go ni Shefatiah natuna maga, Sebadiah natu ni Mikael; go naanoai rualima latolu eu sikoti a.

⁹Ni Yoab natuna maga, Obadiah natu ni Yehiel; go naanoai p̃onotia dua rualima takuna sikai tamate latolu eu sikoti a.

¹⁰Go ni Shelomith natuna maga, natu ni Yosifiah; go naanoai p̃onotia sikai rualima takuna latesa eu sikoti a.

¹¹Go ni Bebai natuna maga, Sekariah natu ni Bebai; go naanoai rualima dua tamate latolu eu sikoti a.

¹²Go ni Askad natuna maga, Yohanan natu ni Hakatan; go naanoai p̃onotia sikai rualima takuna sikai eu sikoti a.

¹³Go ni Adonikam natuna maga, waina eu edaku; go nagisada maga Elifelet, Yeuel, go Shemaiah, go naanoai rualima latesa eu sikoti ra.

¹⁴Go ni Bikvai natuna maga, Uthai go Sabud; go naanoai rualima larua eu sikoti ra.

¹⁵Go a piragi saisai ki da paki noaisara waina e sara paki Ahava; go au m̃enaki doko tokora wanogoe naaleatia dolu: go a leousiusi narei go tea viri maga, go a da pap̃ai Levi natuna maga sikai kakada tokora wanogoe mau.

¹⁶Go a pitip̃aki parati Elieser, go Ariel, go Shemaiah, go Elnathan, go Yarib, go Elnathan, go Nathan, go Sekariah, go Meshullam, naatam̃oli vakilagi maga; go Yoiarib go Elnathan, naatam̃oli midoakiatae maga.

¹⁷Go a dip̃aki lua ra pano punusi Iddo, nap̃au ni naatam̃oli maga waina e doko Kasifia; go a noa ki da tea waina euga noa ki Iddo asa, go ki taina maga tea suasua maga ni nasum̃a tapu doko Kasifia, naga euga maginami piragi tea suasua maga umai raki nawosiana ni nasum̃a ki Sup̃e aginami.

¹⁸Go dapala nam̃elearu wia ni Sup̃e aginami e doko gami, eu maginami piragi naatam̃oli manumatua sikai umai, waina e pei natu ni Malhi, natu ni Levi, natu ni Israel; nagisana Sherebiah, nara ma natuna maga go taina maga eu mamau pei naatam̃oli rualima sikai tamate latolu;

¹⁹Go Hashabiah ma Yeshaiah natu ni Merari, go taina maga go natuda maga, eu mamau pei naatam̃oli rualima dua;

²⁰Go tea suasua maga ni nasum̃a tapu, waina David go tea maraki maga eu lawo ki da euga vei tea suasua maga ki naworawora ni Levi, nara eu pei naatam̃oli p̃onotia dua rualima takuna dua: tea maga mamau puti wanogoe eu noa sikasikai ki nagisada.

²¹Go a dogorogo ki navaliana sikai tokora wanogoe, doko pisari noaisara Ahava, naga auga tum̃agami doro gami auga vakitano narae ni Sup̃e aginami, po maginami datagovi a napua leana, go magi piakirikiri aginami maga, go naloriki aginami maga mamau puti.

²²Nalakena a maliere naga aga tatagovi nawota ki taua sikai ni navakalo, go naatam̃oli maga waina eu sakesaake horse naga euga silae gami po mari dip̃a tea kokona ki gami napua: nalakena au pea pasa paki nawota, au naga, Nam̃elearu ni Sup̃e aginami e doko tea maga mamau puti waina eu do laaga asa, raki tea waina e p̃ia; ma nakasuaana aneana go namaritausuana aneana ero doko raki tea maga mamau puti waina eu doropusi a.

²³Go dapala nogoe au pali po pavara ni Sup̃e aginami raki tea wanogoe: go nae e dogo navavaraniana aginami.

²⁴Ragi wanogoe a mari masale ki tea viri vakilagi rualima sikai tamate dua kakada, Sherebiah, go Hashabiah, go taida rualima sikai eu mamau.

²⁵Go a dowogi po dua ra silver go kold, go lasa maga wanogoe, navituaana maga raki nasum̃a ki Sup̃e aginami, waina nawota go tea vusum̃aki aneana maga, go tea maraki aneana maga, go Israel mamau puti waina eu doko tokora wanogoe doko, eu pea pitua ki da:

²⁶Go a dowogi po pitua paki nam̃elearuda talenta ni silver p̃onotia latesa rualima takuna lima, go lasa maga ni silver talenta p̃onotia sikai; go talenta ni kold p̃onotia sikai;

²⁷Go boul maga ni kold rualima dua, ni darik manu sikai; go lasa dua ni brass wia lidalida, tea masauniana dapala kold.

²⁸Go a noa ki da naga, Nimu ku dapu paki Yehovah, go lasa maga eu dapu; go silver go kold eu pei navituaana suasuakiana sikai paki Yehovah, Sup̃e ki tamamu maga.

²⁹Kuga vunusi po pavaigoro ra, pa pa kuga rowogi ra narae ni tea viri vakilagi maga go naworawora ni Levi, go ni nap̃au maga ni nasum̃a maga ni tamada maga ni Israel doko Yerusalem, ekopu ni em̃ago maga ni nasum̃a ki Yehovah.

³⁰Go dapala nogoe tea viri maga go naworawora ni Levi eu dapesoki namadagaana ni silver go kold wanogoe, go lasa maga, naga euga viragi ra paki Yerusalem, paki nasum̃a ki Sup̃e aginami.

³¹Go au m̃elu dua ki noaisara Ahava naaleatia kerualima sikai tamate dua ni atelagi vea, naga auga vaki Yerusalem: go nam̃elearu ni Sup̃e aginami e doko gami, go e mauti gami pa dua ki nam̃elearu ni tea kokona ki gami go tea kusugoro doko napua.

³²Go au rumai paki Yerusalem, po m̃enaki doko tokora wanogoe naaleatia dolu.

³³Go naaleatia kevati, silver go kold wanogoe go lasa maga eu pei tea rowogiana nasum̃a ki Sup̃e aginami, paki nam̃elearu ni Meremoth, natu ni Uriah tea viri; go Eleasar natu ni Finehas e sikoti a; nara ma Yosabad natu ni Yeshua, go Noadiah natu ni Binnui, naworawora ni Levi, eu mamau doko;

³⁴Eu peve puti ra po dowogi ra: go narowogiana ni sara naleo e pei tea midiriana ragi wanogoe.

³⁵Tea ni tea vua‐pavakotoana maga waina eu m̃elu dua ki naviragilua‐pavakotoana liliu umai, eu magi Israel mamau pitua ki navituaana tap̃arakiana maga paki Sup̃e ki Israel, kau anoai rualima sikai tamate dua, shiip anoai rualima loveti tamate latesa, shiip natuna rualima larua tamate larua, go naninani anoai rualima sikai tamate dua, eu pei navituaana sikai ni namarinaleosaana: tea mamau puti wanogoe eu pei navituaana tap̃arakiana sikai paki Yehovah.

³⁶Go nasuakiana maga pae nawota, eu dua satrap maga ki nawota asa, nara ma tea maramara maga doko taleva kerua ni noaisara: go eu silae narei go nawosiana ni nasum̃a ki Sup̃e.