Read Nguna Togoa Etafe North NEHEMIA 7 Bible Online

NEHEMIA 7 - Nguna Togoa Etafe North bible

NEHEMIA 7

¹Go e pakilina ragi waina p̃aaka wanogoe e pei tea tavagi‐sua‐ana, go a po sike lawo ki namata kakana maga, go tea vavaigoro namata‐pua maga go tea lega maga go naworawora ni Levi eu po pei tea vasa‐dawonakiana,

²E pakilina naga a mari taigu Hanani, go Hananiah, tea maraki dap̃au nasum̃a ni navei‐nawota‐ana, ero pei tea leoparatiki maga dap̃au Yerusalem: nalakena nae e pei naatam̃oli vei lomau sikai, go e matau ki Sup̃e p̃arua liu tea laapa.

³Go a noa ki da, a naga, Namata‐pua maga ni Yerusalem euga ta pei tea wolagatiana mau pa pa elo ega vakilagi; go ragi waina e ko doko elagi doko, euga moro kokoro namata kakana maga, go kuga marisokisoki ra: go kuga vasa dawona ki tea vavaigoro maga m̃elu naatatoko maga ni Yerusalem, sara naata sikasikai euga toko navavaigoroana adeada, go sara naata sikasikai euga toko leana dip̃a nasum̃a adeada.

⁴Go natokoana e p̃elewelea go e p̃arua: ma naatam̃oli maga waina eu doko asa eu pisa maau, go nasum̃a maga eu ko da pei tea tavagiana asa mau.

⁵Go Sup̃e aginau e doropusi a paki namidodoana aginau naga aga viragi saisai ki naatam̃oli vakilagi maga, go tasiga maga, go narei maga, naga euga vei tea veve‐atae‐ana pae nanoaana ni navakilinaana adeada. Go a pap̃ai tusi ni navakilinaana ki tea maga waina eu sake umai sala vea, go a pap̃ai naga tea waia e pei tea midiriana asa:

⁶Tea maga waia eu pei narei ni navanua waina eu sake umai m̃elu dua ki naviragi‐luapavakotoana ni tea maga waina eu pei tea viragi‐lua‐pavakotoana, nara waina Nebukadnessar nawota ni Babelon e piragi lua pavakoto ara pano, go waina eu moro liliu umai paki Yerusalem go paki Yudah, sara naatam̃oli eu sikasikai paki natokoana adeada;

⁷Waina eu mamau puti umai ma Serubabel, Yeshua, Nehemiah, Asariah, Raamiah, Nahamani, Mordekai, Bilshan, Misperet, Bikvai, Nehum, Baanah. Naveveana ni naanoai maga ni Israel natuna maga e pei tea waia:

⁸Parosh natuna maga manu dua p̃onotia sikai go rualima takuna larua tamate dua.

⁹Shefatiah natuna maga p̃onotia dolu go rualima takuna larua tamate dua.

¹⁰Arah natuna maga p̃onotia latesa go rualima takuna lima tamate dua.

¹¹Pahath‐moab natuna maga, waina eu pei Yeshua go Yoab natuna maga, manu dua p̃onotia latolu go rualima takuna sikai tamate latolu.

¹²Elam natuna maga manu sikai p̃onotia dua go rualima takuna lima tamate pati.

¹³Sattu natuna maga p̃onotia latolu go rualima takuna pati tamate lima.

¹⁴Sakkai natuna maga p̃onotia larua go rualima takuna latesa.

¹⁵Binnui natuna maga p̃onotia latesa go rualima takuna pati tamate latolu.

¹⁶Babai natuna maga p̃onotia latesa go rualima takuna dua tamate latolu.

¹⁷Askad natuna maga manu dua p̃onotia dolu go rualima takuna dua tamate dua.

¹⁸Adonikam natuna maga p̃onotia latesa go rualima takuna latesa tamate larua.

¹⁹Bikvai natuna maga manu dua go rualima takuna latesa tamate larua.

²⁰Adin natuna maga p̃onotia latesa go rualima takuna lima tamate lima.

²¹Ater natuna maga, ni Hesekiah, rualima loveti tamate latolu.

²²Hashum natuna maga p̃onotia dolu go rualima takuna dua tamate latolu.

²³Besai natuna maga p̃onotia dolu go rualima takuna dua tamate pati.

²⁴Harif natuna maga p̃onotia sikai go rualima takuna sikai tamate dua.

²⁵Cibeon natuna maga rualima loveti tamate lima.

²⁶Naatam̃oli maga ni Bethlehem go Netofah p̃onotia sikai go rualima takuna latolu tamate latolu.

²⁷Naatam̃oli maga ni Anathoth p̃onotia sikai go rualima takuna dua tamate latolu.

²⁸Naatam̃oli maga ni Beth‐asmaveth rualima pati tamate dua.

²⁹Naatam̃oli maga ni Kiriath‐yearim, Kefirah, go Beeroth, p̃onotia larua go rualima takuna pati tamate dolu.

³⁰Naatam̃oli maga ni Ramah go Ceba p̃onotia latesa go rualima takuna dua tamate sikai.

³¹Naatam̃oli maga ni Mikmas p̃onotia sikai go rualima takuna dua tamate dua.

³²Naatam̃oli maga ni Beth‐el go Ai p̃onotia sikai go rualima takuna dua tamate dolu.

³³Naatam̃oli maga ni Nebo kerua kakana rualima lima tamate dua.

³⁴Go Elam kerua kakana natuna maga manu sikai p̃onotia dua go rualima takuna lima tamate pati.

³⁵Harim natuna maga p̃onotia dolu go rualima takuna dua.

³⁶Yeriko natuna maga p̃onotia dolu go rualima takuna pati tamate lima.

³⁷Lod, Hadid go Ono natuda maga p̃onotia larua go rualima takuna dua tamate sikai.

³⁸Senaah natuna maga manu dolu p̃onotia loveti go rualima takuna dolu.

³⁹Tea viri maga: Yedaiah natuna maga, tea ni nasum̃a ni Yeshua, p̃onotia loveti go rualima takuna larua tamate dolu.

⁴⁰Immer natuna maga manu sikai go rualima takuna lima tamate dua.

⁴¹Pashur natuna maga manu sikai p̃onotia dua go rualima takuna pati tamate larua.

⁴²Harim natuna maga manu sikai go rualima takuna sikai tamate larua.

⁴³Naworawora ni Levi: Yeshua ni Kadmiel natuna maga, go Hodefah natuna maga, rualima larua tamate pati.

⁴⁴Tea lega maga: Asaf natuna maga p̃onotia sikai go rualima takuna pati tamate latolu.

⁴⁵Tea vavaigoro namata‐pua maga: Shallum natuna maga, Ater natuna maga, Talmon natuna maga, Akkub natuna maga, Hatita natuna maga, go Shobai natuna maga, p̃onotia sikai go rualima takuna dolu tamate latolu.

⁴⁶Tea suasua maga ni nasum̃a tapu: Siha natuna maga, Hasufa natuna maga, Tabaoth natuna maga;

⁴⁷Keros natuna maga, Sia natuna maga, Padon natuna maga;

⁴⁸Lebana natuna maga, Hakaba natuna maga, Salmai natuna maga;

⁴⁹Hanan natuna maga, Ciddel natuna maga, Cahar natuna maga;

⁵⁰Reaiah natuna maga, Resin natuna maga, Nekoda natuna maga;

⁵¹Casam natuna maga, Ussa natuna maga, Paseah natuna maga;

⁵²Besai natuna maga, Meunim natuna maga, Nefusesim natuna maga;

⁵³Bakbuk natuna maga, Hakufa natuna maga, Harhur natuna maga;

⁵⁴Baslith natuna maga, Mehida natuna maga, Harsha natuna maga;

⁵⁵Barkos natuna maga, Sisera natuna maga, Temah natuna maga;

⁵⁶Nesiah natuna maga, Hatifa natuna maga.

⁵⁷Tea suasua maga ki Solomon natuda maga: Sotai natuna maga, Sofereth natuna maga, Perida natuna maga;

⁵⁸Yaala natuna maga, Darkon natuna maga, Ciddel natuna maga;

⁵⁹Shefatiah natuna maga, Hattil natuna maga, Pokereth‐hassebaim natuna maga, Amon natuna maga.

⁶⁰Tea suasua maga ni nasum̃a tapu, go tea suasua maga ki Solomon natuna maga, eu mamau puti pei naatam̃oli p̃onotia dolu go rualima takuna loveti tamate dua.

⁶¹Go tea maga waia eu pei nara waina eu pae Tel‐melah, Tel‐harsha, Kerub, Addon, go Immer sake umai: ma eu mari sa noasai nasum̃a maga ni tamada maga, kite naworaworada, eu pe vei tea ni Israel:

⁶²Delaiah natuna maga, Tobiah natuna maga, Nekoda natuna maga, p̃onotia latesa go rualima takuna pati tamate dua.

⁶³Go ni tea viri maga: Hobaiah natuna maga, Hakkos natuna maga, Barsillai natuna maga, nae waina e dawiri Barsillai ni Cilead natuna nagoroi sikai, po pei tea salagisana ki nagisada.

⁶⁴Nara wanogoe eu laaga nagisada maga eu pe vei tea midiriana pilake nagisa ni tea maga waina eu pei tea veve‐atae‐ana pae nanoaana ni navakilinaana, ma eu da pap̃ai ra mau: nalakena tea wanogoe eu pei tea midoakiana naga eu da dautau mau po pei tea tugoroana pa dua ki navei‐tea‐viri‐ana.

⁶⁵Go tea maramara e noa ki da naga euga wo da gani naleo tapu liu maga mau, pa pa tea viri sikai ega tuleana po pusuusu ki Urim go Tummim.

⁶⁶Nasaisaiana mamau puti eu pei naatam̃oli tivilia pati go manu dua, p̃onotia dolu rualima takuna latesa,

⁶⁷Masale ki tea suasua naanoai adeada maga go tea suasua nagoroi adeada maga, waina nara eu pei naatam̃oli manu larua p̃onotia dolu rualima takuna dolu tamate larua: go tea lega maga naanoai go nagoroi p̃onotia dua rualima takuna pati tamate lima.

⁶⁸Horse adeada maga p̃onotia larua rualima takuna dolu tamate latesa; mule adeada maga p̃onotia dua rualima takuna pati tamate lima;

⁶⁹Kamel adeada maga p̃onotia pati rualima takuna dolu tamate lima; ass adeada maga manu latesa p̃onotia larua rualima takuna dua.

⁷⁰Go nap̃au maga ni nasum̃a maga ni tamada maga seara kakada eu pitua raki nawosiana. Tea maramara e nadi ki kold darik manu sikai paki nasum̃a ni naleo wia tauakiana, go besin rualima lima, go tea suniana maga ki tea viri maga p̃onotia lima rualima takuna dolu.

⁷¹Go nap̃au maga ni nasum̃a maga ni tamada maga seara kakada eu nadi ki kold darik tivilia dua paki nasum̃a ni naleo wia tauakiana raki nawosiana, go silver paund manu dua p̃onotia dua.

⁷²Go narei maga eu nadi ki kold darik tivilia dua, go silver paund manu dua, go tea suniana maga ki tea viri maga rualima latesa tamate larua.

⁷³Go tea viri maga, go naworawora ni Levi, go tea vavaigoro namata‐pua maga, go tea lega maga, go narei seara kakada, go tea suasua maga ni nasum̃a tapu, go Israel mamau puti, eu doko natokoana adeada maga doko. Go ragi waina atelagi kelarua e pakilina, Israel natuna maga eu doko sua doko natokoana adeada maga.