Read Nguna Togoa Etafe North ESTHER 7 Bible Online

ESTHER 7 - Nguna Togoa Etafe North bible

ESTHER 7

¹Go nawota ma Haman ero umai punusi Esther nawota nagoroi naga eroga kanikani sikoti a.

²Go naaleatia kerua ragi waina eu do munu waine, nawota e moro noa ki Esther, e naga, Esther nawota nagoroi, nasava e pei navavaraana anigo? Go ega wo pei tea vituakiana paki‐go. Go nasava e pei natatagoana anigo? Go ega wo pei tea mariana, e pe vei namagovai ni namarakiana.

³Go Esther nawota nagoroi e pasadara, po naga, Waina a pe vap̃ai nasaup̃iaana namatam̃a nawota O, go waina nawota e pe midoaki m̃ata ki nia, go namauriana aginau ega vei tea mautiana pae navavaraana aginau, go narei aginau pae natatagoana aginau:

⁴Nalakena au pei tea soriana kinami ma narei aginau, naga auga vei tea marisakiana po pei tea atugiana, naga auga wo mate puoli. Ma waina au pe vei tea soriana naga auga vei naviti naanoai go naviti nagoroi, a pe vunuta doko, nalakena narogokitesaana aginami e pe wo da p̃arua asa dapala nasaana waina e pe wo pakilina ki nawota.

⁵Go nawota Ahasuerus e pasa po noa ki Esther nawota nagoroi, e naga, Naatam̃oli sei waina e piviari midoaki nia nap̃op̃ona naga ega mari dapala nogoe? Go e doko esava?

⁶Go Esther e naga, E pei tea midoaki sa ki sikai go tea kokona, e pei Haman tea sigisigileo waia. Go Haman e mataku narae ni nawota go ni nawota nagoroi.

⁷Go nawota e duleana namaritausuana aneana m̃elu dua ki nakaniana po paki roara ni nasum̃a aneana pano: go Haman e duleana naga ega vavara ni Esther nawota nagoroi raki namauriana aneana; nalakena e punusi naga nawota e midoakisoki tea sa nap̃op̃ona dip̃a e.

⁸Go nawota e pae roara ni nasum̃a ki nawota liliu umai paki tokora waina eu do munu waine asa; go Haman e dowo doko nawewele waina Esther e doko asa. Go nawota e naga, Ma ega wo mari sa ki nawota nagoroi namatagu doko ekopu ni nasum̃a kite? Ragi waina navasaana wanogoe e dave nawoka ni nawota, eu kulutigoro narae ni Haman.

⁹Go tea suasua atavau maga ki nawota, waina eu doko naraena sikai kakada, nagisana Harbonah, e naga, Go p̃a leo, nakau waina e parau pakilagi kabit rualima lima, waina Haman e mari a raki Mordekai waina navasaana wia aneana e mauti nawota, e lawodu nasum̃a ki Haman. Go nawota e naga, Kuga sara ki nia ega tau asa.

¹⁰Go eu sara ki Haman e dau nakau waina e mari m̃ata ki nia raki Mordekai. Go namaetoana ki nawota e nopu.