Read Nguna Togoa Etafe North EKSODAS 38 Bible Online

EKSODAS 38 - Nguna Togoa Etafe North bible

EKSODAS 38

¹Go e mari wede ni naviriana tap̃arakiana ni nakau akasia: kubit lima e pei navarauana kakana, go kubit lima naweleweleana kakana, e pei p̃alavati; go kubit dolu navakilagiana kakana.

²Go e mari napati kakana maga eu doko naweluki kakana pati: napati kakana maga eu pei tea sikai maau ma nae: go e kalutigoro e ki brass.

³Go e mari naloriki mamau puti ni wede ni naviriana, pot maga, go savel maga, go besin maga, tagau ni nap̃okasi maga, go pan ni nakapu vavaga maga; e mari naloriki kakana mamau puti eu pei tea ni brass.

⁴Go e magi wede ni naviriana mari koro sikai nawosiana ni kup̃ena ni brass, etano ni malo matemate dalivirigoro e etano, e pakilagi liliu namalona.

⁵Go e daki rig pati agi naweluki pati ni koro ni brass, naga euga vei nalia maga agi tea vavau dua.

⁶Go e mari tea vavau dua ni nakau akasia, po kalutigoro ra ki brass.

⁷Go e sai ki tea vavau dua paki rig maga waina eu doko navidi dua ni wede ni naviriana, naga euga vausi a ara; e mari a e p̃aga ki napapa maga.

⁸Go e mari tea vavano ni brass, go laketano kakana ni brass, ni titiro maga ki nagoroi maga waina eu saisai naga euga suasua pisari namata ni tap̃aup̃au ni nasaisaiana.

⁹Go e mari roara: agi taleva ni sauth paki sauth, tea taugoro maga ni roara eu pei tea ni linen vilokiana wia, kubit p̃onotia sikai:

¹⁰Tea lawodu kakada maga eu pei rualima dua, go laketano kakada maga rualima dua, tea ni brass; tagau maga ni tea lawodu maga go tea tasokataki kakada maga eu pei tea ni silver.

¹¹Go agi taleva ni north kubit p̃onotia sikai, tea lawodu kakada maga rualima dua, go laketano kakada maga rualima dua, tea ni brass; tagau maga ni tea lawodu maga go tea tasokataki kakada maga eu pei tea ni silver.

¹²Go agi taleva ni west, tea taugoro maga ni kubit rualima lima, tea lawodu kakada maga eu pei rualima sikai, go laketano kakada maga rualima sikai; tagau maga ni tea lawodu maga go tea tasokataki kakada maga eu pei tea ni silver.

¹³Go agi taleva ni ist paki ist kubit rualima lima.

¹⁴Tea taugoro maga agi taleva sikai ni namata‐pua eu pei kubit rualima sikai tamate lima: tea lawodu kakada maga eu dolu, go laketano kakada maga eu dolu;

¹⁵Go agi taleva kerua: taleva waia go taleva wanana pisari namata‐pua ni roara tea taugoro maga ni kubit rualima sikai tamate lima; tea lawodu kakada maga eu dolu, go laketano kakada maga eu dolu.

¹⁶Tea taugoro mamau puti ni roara eu pei tea ni linen vilokiana wia.

¹⁷Go laketano maga agi tea lawodu maga eu pei tea ni brass; tagau maga ni tea lawodu maga go tea tasokataki kakada maga eu pei tea ni silver; go navulutigoroana ni nap̃auda maga e pei tea ni silver; go tea lawodu mamau puti ni roara eu pei tea tasokatakiana ki silver.

¹⁸Go tea tausiliki ni namata‐pua ni roara e pei nawosiana ki tea turi‐midiria, ni tea kesakesa, go tea miala‐kesakesa, go tea miala‐kalakala, go linen vilokiana wia: go kubit rualima dua e pei navarauana, go navakilagiana pae naweleweleana e pei kubit lima, e pataka ni tea taugoro maga ni roara.

¹⁹Go tea lawodu kakada maga eu pati, go laketano kakada maga eu pati, tea ni brass; tagau kakada maga eu pei tea ni silver, go navulutigoroana ni nap̃auda maga go tea tasokataki kakada maga eu pei tea ni silver.

²⁰Go pin mamau puti ni nasum̃atokoana, go ni roara daliviri, eu pei tea ni brass.

²¹Tea waia e pei naveveana ni naleo maga agi nasum̃atokoana, nasum̃atokoana ni nanoasokisokiana, waina eu pei tea veveana pae natip̃akiana ki Moses, nasuasuaana sikai ki naworawora ni Levi, doko nam̃elearu ni Ithamar, natu ni Aaron tea viri.

²²Go Besalel natu ni Uri, natu ni Hur, ni naworawora ni Yudah, e mari tea mamau puti waina Yehovah e dip̃aki Moses asa.

²³Go tea sikoti a Oholiab, natu ni Ahisamak, ni naworawora ni Dan, tea tae‐midiria, go tea vau‐midiria mataisau, go tea turi‐midiria tea kesakesa, go tea miala‐kesakesa, go tea miala‐kalakala, go linen wia.

²⁴Kold mamau waina e pei tea marimariana agi nawosiana, nawosiana mamau ni tokora tapu, go e pei kold ni navituaana wanogoe, e pei talenta rualima dua tamate loveti, go shekel p̃onotia larua rualima takuna dolu, pae shekel ni tokora tapu.

²⁵Go silver ni tea maga waina eu pei tea veveana ni navata e pei talenta p̃onotia sikai, go shekel manu sikai p̃onotia larua rualima takuna larua tamate lima, pae shekel ni tokora tapu:

²⁶Beka sikasikai sarasara ra, tea wanogoe e pei namagovai ni shekel sikai, pae shekel ni tokora tapu, agi sara naata waina eu duagoto paki tea maga waina eu pei tea veveana, pae tea ni natau rualima dua go pakilagi, agi naatam̃oli manu p̃onotia latesa go manu dolu go p̃onotia lima go rualima takuna lima.

²⁷Go talenta p̃onotia sikai wanogoe ni silver e pei agi natakiana ni laketano maga ni tokora tapu, go laketano maga ni tea taugorop̃otae; laketano p̃onotia sikai agi talenta p̃onotia sikai wanogoe, talenta sikai agi laketano sikai.

²⁸Go shekel p̃onotia larua rualima takuna larua tamate lima wanogoe e mari tagau maga asa agi tea lawodu maga, po pulutigoro nap̃auda maga asa, po madeada mari tea sokataki maga asa.

²⁹Go brass ni navituaana wanogoe e pei talenta rualima larua, go shekel manu dua go p̃onotia pati.

³⁰Go e mari laketano maga ni namata ni tap̃aup̃au ni nasaisaiana asa, go wede ni naviriana ni brass, go koro ni brass waina e doko asa, go naloriki mamau puti ni wede ni naviriana, go laketano maga ni roara daliviri,

³¹Go laketano maga ni namata‐pua ni roara, go pin mamau puti ni nasum̃atokoana, go pin mamau puti ni roara daliviri.