Read Nguna Togoa Etafe North YOB 11 Bible Online

YOB 11 - Nguna Togoa Etafe North bible

YOB 11

¹Go Sofar naatam̃oli ni Naamah e pasa, po naga,

²Nalapalapaana ni navasaana ega ta pei tea vasadaraana mau, kite? Go naatam̃oli pasa parau ega vei tea mari‐leana‐ki‐ana, kite?

³Navasa‐p̃alo‐kiana anigo ega mari naatam̃oli maga euga vunuta, kite? Go ragi waina p̃a mari saudoa, te naata ega ta mari ko p̃a maliere, kite?

⁴Nalakena nigo ku naga, Naveilomau‐ana aginau e p̃ia, Go kinau a dautau namatam̃a maga.

⁵Ma Sup̃e e pe vasa, Po p̃olagati nagolena maga dip̃a ko;

⁶Go e pe visei ki‐go p̃aia maga ni namanumatuaana, Namagaana maga ni nawosiwosiana visarasara maga! Ku pe wo atae naga navaratiana waina Sup̃e e parati ki‐go asa e kiki, Ma namarinaleotageleana anigo e p̃arua.

⁷Ku mariatae leousiusi atae naleo vakipua maga ki Sup̃e, kite? Ku mariatae atae m̃ata ki nawialuaana ki Tea Kasua Mau, kite?

⁸E pakilagi liu nakoroatelagi; ku mariatae mari nasava? E pakipua liu Sheol; ku mariatae atae nasava?

⁹Navarauana kakana e parau liu maramana, Go naweleweleana kakana e p̃elewelea liu natasi.

¹⁰E pe surata duaduru po kokoro p̃onoti, kite piragi saisai, Sei e pe mariatae dugoro e?

¹¹Nalakena e atae naatam̃oli p̃alo maga: E pe vunusi namarinaleotageleana, E pe wo da midoakiusiusi a mau, kite?

¹²Ma naatam̃oli p̃alo e dika ki namidoaki‐atae‐ana, Io, naatam̃oli e pakilina pei ass mila natuna sikai.

¹³Ku pe mari m̃ata ki nap̃op̃om̃a, Po sai ki nam̃elearum̃a paki nia;

¹⁴Ku pe toropusi namarinaleotageleana waina e pe toko nam̃elearum̃a e pe vaki uvea, Po da suasua naga nasigisigileoana e pe wo doko tap̃aup̃au anigo maga mau;

¹⁵Ku pe wo sike naraem̃a po da maliere mau; Ku pe wo lawodu kasua, po da mataku mau:

¹⁶Nalakena p̃a wo malio ki narogokitesaana anigo; P̃a wo midoaki nia naga e dapala noai maga waina eu nunu puoli;

¹⁷Go namauriana anigo ega wo marama p̃ia liu aleati matua; Namaligo e pe toko asa, ma e pe wo dapala malip̃ogi.

¹⁸Go p̃a wo pavatu nalakena p̃a wo peani naleogoroana; P̃a wo pei tea vavaigoroana, po doko p̃ia doko.

¹⁹Go p̃a wo one natano, go te naata ega ta mari ko namatakuana mau; Go tea laapa euga wo pavara ni naraem̃a.

²⁰Ma namata ni tea sigisigileo euga wo siri puoli, Euga wo dika ki napua ni nasavaana, Go naleogoroana adeada ega wo pei naga euga marodua ki nameroda.