Read Nguna Togoa Etafe North YOB 18 Bible Online

YOB 18 - Nguna Togoa Etafe North bible

YOB 18

¹Go Bildad naatam̃oli ni Shuah e pasa, po naga,

²Pa pa paki seve ragi p̃a wo lawo ki vaivai maga raki navasaana maga? P̃a midoakiusiusi, go tuga wo edaku pasa.

³Ekasana au pei tea midoakiana naga au pei nalo tuavati maga? Go naga au pei lala maga namatam̃a?

⁴Maramana ega wo pei tea toropusiana nalakena nigo, Waina ku do dum̃am̃a puap̃orae ko namaetoana anigo, kite? Kite vatu laketoko ega wo pei tea risua‐ki‐lua‐ana m̃elu dua ki naliana, kite?

⁵Ioro, nasulu ki tea sigisigileo ega wo pei tea maripunueana, Go mena ni nakapu aneana ega wo da maramalaga mau.

⁶Namarama ega wo maligo tap̃aup̃au aneana, Go nasulu aneana ega wo pei tea maripunueana kiana.

⁷Navasiana maga ni nakasuaana aneana euga wo puru, Go namidoaki‐p̃otae‐ana aneana ega wo nadi ki nia pakitano.

⁸E pei tea nadi‐ki‐ana paki tea vuagoro sikai ki nam̃elena, E pasi vaivai sikai, go e solisoki a.

⁹Tea katisoki ega wo kati soki nam̃ago natuana, Vaivai ega wo solisoki a.

¹⁰Nasasa sikai e pei tea tasurukiana natano raki nia, Go m̃orutano sikai e doko raki nia napua.

¹¹Tea mataukiana maga euga wo pakamatakua ki nia daliviri, Po kopasi nam̃ago natuana maga.

¹²Namarisakiana ega wo pitolo p̃arua raki nia, Go narogokitesaana ega wo lawodu nap̃irikiana.

¹³Ega wo ariari nawilina, Go nasasanaana sa ega wo gani natawotuna maga.

¹⁴Ega wo pei tea vaku‐dakatiana m̃elu dua ki tap̃aup̃au aneana waina e pavatu asa; Go ega wo pei tea vuatiana pano punusi nawota ni tea mataukiana maga.

¹⁵Tea waina e da pei tea aneana mau ega wo doko tap̃aup̃au aneana doko: Brimstone ega wo pei tea sapurakiana tokora tokoana aneana.

¹⁶Nakoana maga euga wo kokolo etano, Go elagi arana ega wo makoto.

¹⁷Namidoaki‐nia‐ana ega wo puoli navanua, Go nagisana ega wo dika maramana.

¹⁸Ega wo pei tea tieluaana m̃elu dua ki namarama paki namaligo pano, Po pei tea kopasi‐lua‐ana pa dua ki maramana pano.

¹⁹Ega wo dika natuna, go natu ni natuna m̃aleoputo ni nalauna aneana, Go te seara ega wo da moro doko tokora waina e m̃enakiatatoko asa mau.

²⁰Tea maga waina euga wo edakugoro e, euga wo saram̃akoto naaleatia aneana, Ega tapala waina tea maga waina eu pea ki nia, eu maga p̃arua asa.

²¹Tokora tokoana maga ki tea sigisigileo eu pei tea tapala nogoe, Go tokora wanogoe e pei malo tokoana ki tea waina e da atae Sup̃e mau.