Read Nguna Togoa Etafe North YOB 26 Bible Online

YOB 26 - Nguna Togoa Etafe North bible

YOB 26

¹Go Yob e pasadara, po naga,

²Nigo ku silae naata waina e dika namarimatuaana, kite? Ku mautipauri naruna waina e dika nakasuaana, kite?

³Ku pasa parati ki tea waina e dika namanumatuaana, kite? Ku mari pakasa ki naatae‐m̃atakiana, kite?

⁴Ku lua ki navasaana maga paki sei? Go namero ni sei e m̃elu ako umai?

⁵Naatemate maga eu duruuru etano, Noai maga go tea maga waina eu doko ara doko eu mataku.

⁶Sheol e pei tea lagai‐pakasa‐kiana naraena, Go Abaddon e doko lina.

⁷E sai ki north elagi ni namalopa m̃oli, Po sara ki maramana e liko dau naleo waina e dika.

⁸E kavutigoro noai maga napopouru matolu aneana maga; Go napopouru e da mapua etano kakada mau.

⁹E kovagoro narae ni malo tasake aneana, Po p̃elesa‐ki‐goro e ki napopouru aneana.

¹⁰E dawona ki kokoi doko narae ni epua, E pei kokoi doko namawota ni namarama go ni namaligo.

¹¹Tip̃a maga ni nakoroatelagi eu duruuru, Go eu saram̃akoto navasa‐kasuaana aneana.

¹²Pae nakasuaana aneana e mari natasi e dam̃ate, Go pae namidoaki‐atae‐ana aneana e atugi Rahab.

¹³Pae namerona e dekei ki nakoroatelagi maga; Nam̃elearuna e puri sai m̃aata sava kasua.

¹⁴P̃a leo, tea maga wanogoe eu pei napua aneana maga nadigina m̃oli: Go tu dogo natalakolakoana kiki sikai nalo kakana! Ma sei e mariatae midoaki atae tovae ni nakasuaana aneana?