Read Nguna Togoa Etafe North YOB 7 Bible Online

YOB 7 - Nguna Togoa Etafe North bible

YOB 7

¹Nasuasuaana ki naatam̃oli doko maramana e da kasua, kite? Naaleatia aneana maga eu da dapala naaleatia maga ki tea suasua vasadapuiana sikai, kite?

²Dapala waina naviti sikai e do masau p̃arua ki ragi melu, Go dapala waina tea suasua vasadapuiana sikai e do leogoro namoriana ni nawosiana aneana:

³Dapala nogoe kinau a do pei tea mariana naga aga veani atelagi maga ni nap̃aloana, Go nap̃ogiana maga ni narogokitesaana eu maginau pei tea tawonakiana.

⁴Ragi waina a maturu one, a naga, Seve ragi ega wo aleati? Ma nap̃ogiana a parau; A do maramaradoa paki taleva go paki taleva, Pa pa paki ragi ni namakotokotoana.

⁵Nap̃okasigu e pei tea sugoroana ki ula maga, go ki navakarago; Nawiligu e do dosa, go e moro do atuatu.

⁶Naaleatia aginau maga eu sava kasua liu tea saisai ni tea vausi sikai, Eu do siri puoli, naleogoroana e dika.

⁷P̃a midoaki nia naga namauriana aginau e pei nalagi: Namatagu ega wo da moro punusi tea wia mau.

⁸Namata ni tea waina e do leo punusi au, ega wo da moro punusi au mau: Namatam̃a eroga wo leo paki nau, ma aga wo da doko mau.

⁹Dapala waina namavu e mavunuvunu po puoli, Dapala nogoe tea waina ega siwo paki Sheol pano, ega wo da moro sake umai mau.

¹⁰Ega wo da moro liliu paki nasum̃a aneana mau, Go tokora tokoana aneana ega wo da moro atae a mau.

¹¹Nalakena tea wanogoe aga wo da dugoro nawokagu mau; Aga wo do pasa narogokitesaana ni naatagu; Aga wo do pasa nakokonaana ni nap̃op̃ogu.

¹²Kinau a pei natasi sikai, kite a pei nalo mila sikai ni natasi, Naga ku lawo ki tea vavaigoro au sikai, kite?

¹³Ragi waina a naga, Nawewelegu ega wo pakavakale au, Nareaga aginau ega wo pakamaromaro kinau narogokitesaana;

¹⁴Ragi wanogoe ku pakamatakua kinau ki nap̃erea maga, Po mari au a p̃ilake nalakena navunusiana maga:

¹⁵Dapala nogoe naatagu e matadoa nasasa go namateana p̃arua liu namauriana.

¹⁶A pilosi namauriana aginau; A da masauna naga aga ko mauri mau: P̃a toropusi au; Nalakena naaleatia aginau maga eu pei nap̃aloana.

¹⁷Naatam̃oli e pei nasava naga ku mari a e pei tea warua, Go naga ku lawo ki nap̃op̃om̃a e doko asa?

¹⁸Go naga ku umai punusi a sara malip̃ogi, Po do maridogo e sara ragi?

¹⁹Seve ragi p̃a wo lolop̃ota kinau, Po doropusi au naga aga dinomi namalatitiagu?

²⁰A pe mari naleo sa, e pe vei namari‐sa‐ki‐go‐ana nasava, Nigo tea vavaigoro naatam̃oli maga O? Ekasana ku lawo kinau a pei wotu tipeana sikai naga p̃a tipe au? Go a dum̃agu pei natapetapeana madaga sikai paki nau.

²¹Go ekasana ku da maginau midoakikorokoro natapiriana aginau, Po da dape lua namarinaleotageleana aginau mau? Nalakena aga wo one nam̃otam̃ota ni natano one, Go p̃a wo masau p̃arua kinau, ma aga wo da doko mau.