Read Nguna Togoa Etafe North SALAMO 1 Bible Online

SALAMO 1 - Nguna Togoa Etafe North bible

SALAMO 1

¹Ae namaropaana ki naatam̃oli waina e da surata pae namidoakip̃otaeana ki tea sigisigileo maga mau, Go waina e da lawodu napua ki tea mari naleo sa maga mau, Go waina e da dasake tokora ni natasakedokoana ki tea vasasaudoa maga mau!

²Ma namaroana aneana e doko nawotaeana ki Yehovah; Go e do midodoa nawotaeana aneana aleati po p̃ogi.

³Go ega wo dakiusi nakau sikai waina e pei tea lawoana pisari noai sara maga, Waina ega wo pitua ki nawana ragi kakana, Go nauluna ega wo da kokolo mau; Go sara naleo waina ega wo mari ra euga wo disu p̃ia.

⁴Tea sigisigileo maga eu da dapala nogoe mau; Ma eu dapala nap̃olaga waina nalagi e do sui pulua ki nia pano.

⁵Nalakena tea wanogoe tea sigisigileo maga euga wo da du navasap̃otaeana mau, Go tea mari naleo sa maga euga wo da du nasaisaiana ni tea leana maga mau.

⁶Nalakena Yehovah e atae napua ki tea leana maga: Ma napua ki tea sigisigileo maga ega wo puoli.