Read Nguna Togoa Etafe North SALAMO 100 Bible Online

SALAMO 100 - Nguna Togoa Etafe North bible

SALAMO 100

¹Salamo sikai ni navasadodom̃atakiana. Kuga marip̃arai laelaea paki Yehovah, maramana mamau.

²Kuga magi Yehovah suasua pilake nalaelaeaana: Kuga umai paki naraena pilake nakolalaelaeaana.

³Kuga atae naga Yehovah nae e pei Sup̃e: Nae e mari gida, go nigida tu pei aneana; Tu pei narei aneana, go shiip ni napega aneana.

⁴Kuga sili namata‐pua aneana maga pilake navasadodom̃atakiana, Go roara maga ni nasum̃a aneana pilake nasamasamaniana: Kuga vasadodom̃ata ki nia, po pasap̃ia ki nagisana.

⁵Nalakena Yehovah e p̃ia; nadodomiana aneana e du mau du; Go naveilomauana aneana pa pa paki tagona go tagona.