Read Nguna Togoa Etafe North SALAMO 102 Bible Online

SALAMO 102 - Nguna Togoa Etafe North bible

SALAMO 102

¹Natapasavasaana sikai ki tea rogokitesa, ragi waina e pei tea tap̃augoroana, po da ki namidodoana aneana narae ni Yehovah. Yehovah O, p̃a rogo natapasavasaana aginau, Go nakuapiosoana aginau ega valoti paki‐go.

²P̃a ta dasuru ki naraem̃a paki nau mau naaleatia ni nariesokiau‐ana: P̃a ta ki nadaligam̃a paki nau; Naaleatia waina aga vioso asa p̃a vasadara au m̃araverave.

³Nalakena naaleatia aginau maga eu do sirinopu dapala naasua, Go navatugu maga eu pavaga dapala naseati vavaga sikai.

⁴Nap̃op̃ogu e pei tea atugiana dapala nam̃enau, po kokolo; Nalakena a malio ki nakaninavinaga‐ana aginau.

⁵Nalakena nadaleo ni nagiana aginau. Navatugu maga eu puluti nap̃okasigu.

⁶A dakiusi pelekan sikai ni masop̃alo; A po dapala tipaga sikai ni nasum̃a makaka maga.

⁷A do leleogoro, go a po dapala sparro sikai. Waina e sikina doko nap̃au ni nasum̃a.

⁸Tea maga waina eu kokona ki nau eu do pasapinoa ki nau naaleatia mamau; Tea maga waina eu doropa ki namaetoana paki nau eu do pivisa pae au.

⁹Nalakena a gani natanoapu dapala navinaga, Po lip̃a ki nakaiana sari noai munuana aginau.

¹⁰Nalakena namaetoana anigo go namaritausuana anigo: Nalakena ku dape dakati au, po nadi ki nau pano.

¹¹Naaleatia aginau maga eu dapala melu saikiana sikai; Go kinau a kokolo dapala nam̃enau.

¹²Ma nigo, Yehovah O, p̃a wo doko pa pa ega tu mau du; Go namidoa‐ki‐go‐ana pa pa paki tagona go tagona.

¹³Nigo p̃a wo duleana, p̃a wo maritadodomi Sion: Nalakena e po pei ragi waina p̃a saup̃ia ki nia, Nalakena ragi tatutakiana e po umai.

¹⁴Nalakena tea suasua anigo maga eu dodomi vatu kakana maga, Po dagisi nam̃otam̃ota kakana.

¹⁵Go nalauna maga euga wo matau ki nagisa ni Yehovah, Go nawota maga mamau puti ni maramana ki nasamasamaana anigo:

¹⁶Nalakena Yehovah e po davagi Sion, E po pei tea vunusiana doko nasamasamaana aneana;

¹⁷E po dum̃ana doa e paki natapasavasaana ki tea tika maga, Po da midoakip̃alo ki natapasavasaana adeada mau.

¹⁸Tea wanogoe ega wo magi tagona edaku pei tea midiriana: Go narei sikai waina euga wo pei tea tawonakiana euga wo samasamani Yah.

¹⁹Nalakena e po leo siwo pae tokora vakilagi tapu aneana; Yehovah e po leo pae nakoroatelagi punusi maramana;

²⁰Naga ega rogo nagiana ki tea soliana; Naga ega veresi tea tip̃akotoviana maga;

²¹Naga euga rogorogo ki nagisa ni Yehovah Sion, Go nasamasamani‐a‐ana Yerusalem;

²²Ragi waina narei maga euga wo pei tea saisaikiana, Go namarakiana maga, naga euga magi Yehovah suasua.

²³E mari nakasuaana aginau e manainai napua; E mari naaleatia aginau maga eu puru.

²⁴Aga wo naga, Sup̃e aginau O, p̃a ta dape au sake m̃aleoputo ni naaleatia aginau maga mau: Natau anigo maga eu doko tagona ni tagona maga.

²⁵Ragi vea mau ku lawo ki maramana; Go nakoroatelagi maga eu pei nawosiana ni nam̃elearum̃a maga.

²⁶Nara euga wo puoli, ma nigo p̃a wo du: Go euga wo mamau puti disu duai dapala sugoro sikai; P̃a wo marioli ra dapala tea suniana sikai, go euga wo pano p̃ota:

²⁷Ma nigo ku pei tea sikai maau doko, Go natau anigo maga euga wo da nopu mau.

²⁸Tea suasua anigo maga natuda maga euga wo doko, Go naworaworada euga wo pei tea lawokilaketokoana naraem̃a.