Read Nguna Togoa Etafe North SALAMO 11 Bible Online

SALAMO 11 - Nguna Togoa Etafe North bible

SALAMO 11

¹Salamo sikai ki David. A pavatu Yehovah: Ekasana ku do noa ki naatagu, Kuga sava paki tava animu dakiusi manu sikai?

²Nalakena, p̃a leo, tea sigisigileo maga eu do puap̃elua ki naasu, Eu dip̃a nagalo ki nalua adeada, Naga euga tipe tea p̃op̃o leana maga namaligo.

³Nalakena tip̃a maga euga wo pei tea rakaiana. Tea leana e mari nasava?

⁴Yehovah e doko nasum̃a tapu aneana, Yehovah, malo tasake aneana e doko nakoroatelagi; Namatana ero do leopunusi, nawili ni namatana ero do maridogo naatam̃oli natuda maga.

⁵Yehovah e do maridogo tea leana: Ma tea sigisigileo go tea dodomi namaripavakotoana naatana e do pilosi ra.

⁶Ega wo mari vaivai maga euga wowo tea sigisigileo maga; Nakapu go natae ni napanoi go nalagi vivitinu euga wo pei tea veanip̃otaeana ni lasa munu adeada.

⁷Nalakena Yehovah e leana; e do dodomi namarinaleoleanaana: Tea leana euga wo leopunusi naraena.