Read Nguna Togoa Etafe North SALAMO 111 Bible Online

SALAMO 111 - Nguna Togoa Etafe North bible

SALAMO 111

¹Kuga samasamani Yah. Aga wo pasadodom̃ata ki Yehovah ki nap̃op̃ogu mamau,

²Natoko‐pusum̃aki‐ana ki tea leana maga, go nasaisaiana. Nawosiana maga ki Yehovah eu p̃arua, Eu pei tea laagaana pae namasauana adeada maga.

³Nawosiana aneana e pei nadodomadaganiana go natatap̃auana: Go namarinaleoleanaana aneana e du mau du.

⁴E mari nawosiana ni namagaana aneana maga eu pei tea midoakiana: Yehovah e saup̃ia go e pei maritadodomi.

⁵E pitua ki navinaga paki tea maga mamau puti waina eu matau ki nia: Ega wo midoa ki navasasokiana aneana pa pa ega tu mau du.

⁶E noakisai narei aneana nakasuaana ni nawosiana aneana maga, Naga ega tua ra tea veanipiolikiana ni nalauna maga.

⁷Nawosiana maga ni nam̃elearuna maga eu pei nalomauana go navasap̃otaeana; Navasaparatikiana aneana maga mamau puti eu pei lomau.

⁸Eu pei tea silaeana pa pa e du du po du mau du, Eu pei tea mariana pae nalomauana go naleanaana.

⁹E dip̃akilua natauluaana agi narei aneana; E dawona ki navasasokiana aneana pa pa e du mau du: Nagisana e dapu go e pei tea mataukiana.

¹⁰Namatau‐ki‐Yehovah‐ana e pei naatulakeana ni namanumatuaana; Tea maga mamau puti waina eu mari ra eu peani namidoakiataeana wia: Nasamasamani‐a‐ana e du mau du.