Read Nguna Togoa Etafe North SALAMO 114 Bible Online

SALAMO 114 - Nguna Togoa Etafe North bible

SALAMO 114

¹Ragi waina Israel e m̃elu dua ki Ityipt, Nasum̃a ki Yakob m̃elu dua ki narei sikai waina eu pasa pae navasaana p̃ota;

²Yudah e po pei nasum̃a tapu aneana, Israel namarakiana aneana.

³Natasi e punusi a, po sava pano; Yordan e liliu pano.

⁴Tava warua maga eu sokamidi dapala shiip anoai maga, Tava kiki maga dapala shiip natuda maga.

⁵Nasava e mari ko, natasi, nalakena ku sava pano? Yordan, nalakena ku liliu pano?

⁶Tava warua maga, nalakena ku sokamidi dapala shiip anoai maga; Tava kiki maga, dapala shiip natuda maga?

⁷P̃a turururu, maramana, pa dua ki narae ni Nawota, Pa dua ki narae ni Sup̃e ki Yakob;

⁸Waina e doa vatu laketoko e pei namarourou ni noai sikai, Vatu ni nakapu e pei namata ni noai maga.