Read Nguna Togoa Etafe North SALAMO 118 Bible Online

SALAMO 118 - Nguna Togoa Etafe North bible

SALAMO 118

¹Kuga vasadodom̃ataki Yehovah; nalakena e p̃ia: Nalakena nadodomiana aneana e du mau du.

²Israel ega noa e, a pavara, Nalakena nadodomiana aneana e du mau du.

³Nasum̃a ni Aaron ega noa e, a pavara, Nalakena nadodomiana aneana e du mau du.

⁴Tea maga waina eu matau ki Yehovah euga noa e, a pavara, Nalakena nadodomiana aneana e du mau du.

⁵A pioso m̃elu nariesokiana paki Yah, Yah e pasadara au po lawo ki nau tokora welewelea sikai.

⁶Yehovah e pei aginau; aga wo da mataku mau: Naatam̃oli euga wo mari au nasava?

⁷Yehovah e pei aginau m̃aleoputo ni tea maga waina eu silae au: Go kinau aga wo leopunusi tea maga waina eu pilosi au.

⁸Nasava‐sili‐Yehovah‐ana e p̃ia Liu navavatu‐naatam̃oli‐ana.

⁹Nasava‐sili‐Yehovah‐ana e p̃ia Liu navavatu‐tea‐maraki‐maga‐ana.

¹⁰Nalauna maga mamau puti eu dalivirigoro au: A noa pae nagisa ni Yehovah naga aga wo daelua ra.

¹¹Eu dalivirigoro au; io, eu dalivirigoro au: A noa pae nagisa ni Yehovah naga aga wo daelua ra.

¹²Eu dalivirigoro au dapala bii maga; eu po mavunuvunu dapala nakapu sikai ni tea makalikali maga: A noa pae nagisa ni Yehovah naga aga wo daelua ra.

¹³Ku dosiva ki, dosiva ki nau naga aga rowo: Go Yehovah e silae au.

¹⁴Yah e pei nakasuaana aginau go nalegaana aginau; Go e po maginau pei namautipauriana.

¹⁵Nadaleo ni nalaelaeana go ni namautipauriana e doko tap̃aup̃au maga ki tea leana maga: Nam̃elearu ni matua ni Yehovah e marimatua.

¹⁶Nam̃elearu ni matua ni Yehovah e pei tea sikeana: Nam̃elearu ni matua ni Yehovah e marimatua.

¹⁷Aga wo da mate mau, nalakena aga wo mauri doko, Po do dogorogo ki nawosiana maga ki Yah.

¹⁸Yah e parati p̃arua ki nau: Ma e da pitua ki nau paki namateana mau.

¹⁹Kuga maginau p̃olagati namatapua maga ni namarinaleoleanaana: Aga wo sili pae ara, aga wo pasadodom̃ata ki Yah.

²⁰Tea waia e pei namata‐pua ki Yehovah; Tea leana maga euga wo sili pae asa.

²¹Aga wo pasadodom̃ata ki‐go nalakena ku pasadara au, Go ku po maginau pei namautipauriana.

²²Vatu waina tea tavagi maga eu leodoa e, E po pei nap̃au ni naweluki.

²³Tea wanogoe e m̃elu Yehovah pakilina; E pei tea ni namagaana namatagida maga.

²⁴Naaleatia waia Yehovah e mari a; Tuga wo sokamidi po laelaea asa.

²⁵Yehovah O, p̃a mautipauri, au pavarani ko asa: Yehovah O, p̃a mari a ega risu p̃ia, au pavarani ko asa.

²⁶Tea waina e do umai doko nagisa ni Yehovah ega vei tea vasap̃iakiana: Au pasap̃ia ki mu m̃elu nasum̃a ki Yehovah.

²⁷Yehovah e pei Sup̃e, go e dua gida namarama: Kuga soli naviriana ki namea maga pa pa paki napati maga ni wede ni naviriana.

²⁸Nigo ku pei Sup̃e aginau, go aga wo pasadodom̃ata ki‐go: Ku pei Sup̃e aginau, aga wo pasasike ko pakilagi.

²⁹Kuga vasadodom̃ata ki Yehovah; nalakena e p̃ia: Nalakena nadodomiana aneana e du mau du.