Read Nguna Togoa Etafe North SALAMO 122 Bible Online

SALAMO 122 - Nguna Togoa Etafe North bible

SALAMO 122

¹Nalegaana sikai ni nasakeana maga; pae David. A laelaea ragi waina eu noa ki nau, Tuga vano paki nasum̃a ki Yehovah.

²Nam̃elegami eu lawodu roara ni namata‐pua kakam̃a maga, Yerusalem O;

³Yerusalem, waina ku pei tea tavagiana. Dapala natokoana sikai waina nasum̃a kakana maga eu dum̃ada dip̃a sokari ra:

⁴Waina naworawora maga eu do sake paki asa, naworawora maga ki Yah, E magi Israel pei nanoasokisokiana sikai, Naga euga vasadodom̃ata ki nagisa ni Yehovah.

⁵Nalakena tokora wanogoe malo tasake maga agi navasap̃otaeana eu doko asa, Malo tasake maga agi nasum̃a ki David.

⁶Kuga vasa‐dodomi Yerusalem: Tea maga waina eu dodomi ko euga to doko dam̃ate.

⁷Natam̃ateana ega toko roara ni nakoro ni p̃aaka kakam̃a maga, Go natokodam̃ateana ega toko ekopu ni nasum̃a warua kakam̃a maga.

⁸Nalakena taigu maga go tagu ri maga, Aga vasa, Natam̃ateana ega toko roara kakam̃a,

⁹Nalakena nasum̃a ki Yehovah, Sup̃e anigida, Aga wo laaga nawiaana anigo.