Read Nguna Togoa Etafe North SALAMO 123 Bible Online

SALAMO 123 - Nguna Togoa Etafe North bible

SALAMO 123

¹Nalegaana sikai ni nasakeana maga. A sike namatagu maga paki‐go, Waina ku doko nakoroatelagi maga.

²P̃a leo, dapala waina namata maga ni tea suasua maga eu do leo paki nam̃elearu ni nawota adeada, Dapala waina namata maga ni tea suasua nagoroi sikai ero do leo paki nam̃elearu ni nawota nagoroi aneana; Dapala nogoe namatagami maga eu do leo paki Yehovah, Sup̃e aginami, Pa pa ega wo saup̃ia ki gami.

³P̃a saup̃ia ki gami, Yehovah O, p̃a saup̃ia ki gami: Nalakena au pura p̃arua ki namidoakip̃alokiana.

⁴Naatagami e pura p̃arua. Ki namarisaudoakiana ki tea maga waina eu doko dam̃ate, Go ki namidoakip̃alokiana ki tea leomadaga maga.