Read Nguna Togoa Etafe North SALAMO 126 Bible Online

SALAMO 126 - Nguna Togoa Etafe North bible

SALAMO 126

¹Salamo sikai ni nasakeana maga. Ragi waina Yehovah e piragi‐liliua ki tea maga waina eu liliu umai paki Sion, Tu dapala tea maga waina eu do p̃erea.

²Ragi wanogoe nawokagida e pura ki namuruana, Go namenagida ki nakolalaelaeaana: Ragi wanogoe eu noa m̃aleoputo ni nalauna maga, eu naga, Yehovah e madeada mari tea warua maga.

³Yehovah e manigida mari tea warua maga; Tu doko laelaea.

⁴Yehovah O, p̃a viragililiua ki naviragilua‐pavakoto‐gami‐ana Ega tapala noaisara maga ni Sauth.

⁵Tea maga waina eu do sapuraki pilake naririmata maga euga wo dagaukotovi pilake nakolalaelaeaana.

⁶Ega wo pano ega wo pano go ega wo kai, doko do dapetape napati ni nawa ni nakau; Ega wo umai ega wo umai pilake nakolalaelaeaana, doko do dapetape napu aneana maga umai.