Read Nguna Togoa Etafe North SALAMO 13 Bible Online

SALAMO 13 - Nguna Togoa Etafe North bible

SALAMO 13

¹Salamo sikai ki David. Yehovah O, p̃a wo malio ki nau pa pa paki seve ragi.? Pa pa ega tu mau du kite? P̃a wo dasuru ki naraem̃a paki nau pa pa paki seve ragi?

²Aga wo pusum̃aki paki naatagu, Po dogo nasusueana nap̃op̃ogu sara naaleatia pa pa paki seve ragi? Tea kokona ki nau ega wo pakilagi dap̃au au pa pa paki seve ragi?

³P̃a leopunusi, p̃a vasadara au, Yehovah Sup̃e aginau O: P̃a maramalagati namatagu a pe maturu namaturuana ni namateana;

⁴Tea kokona ki nau e pe naga, A po marimatua ki nia; Tea riesoki au maga eu pe laelaea ragi waina a parivari.

⁵Ma kinau a pavatu nadodomiana anigo; Nap̃op̃ogu ega wo sokamidi namautipauriana anigo:

⁶Aga wo lega ki Yehovah, Nalakena e marim̃ata ki nau.