Read Nguna Togoa Etafe North SALAMO 136 Bible Online

SALAMO 136 - Nguna Togoa Etafe North bible

SALAMO 136

¹Kuga vasadodom̃ata ki Yehovah; nalakena e p̃ia: Nalakena nadodomiana aneana e du mau du.

²Kuga vasadodom̃ata ki Sup̃e ki sup̃e maga: Nalakena nadodomiana aneana e du mau du.

³Kuga vasadodom̃ata ki Nawota ki nawota maga: Nalakena nadodomiana aneana e du mau du.

⁴Ki tea waina e masikina mari tea ni namagaana warua maga: Nalakena nadodomiana aneana e du mau du.

⁵Ki tea waina e mari nakoroatelagi maga pae namidoakiataeana: Nalakena nadodomiana aneana e du mau du.

⁶Ki tea waina e p̃elesa ki maramana elagi ki noai maga: Nalakena nadodomiana aneana e du mau du.

⁷Ki tea waina e mari nasulu warua maga: Nalakena nadodomiana aneana e du mau du:

⁸Elo naga ega maramara aleati: Nalakena nadodomiana aneana e du mau du.

⁹Atelagi go m̃asoe maga naga euga maramara p̃ogi: Nalakena nadodomiana aneana e du mau du.

¹⁰Ki tea waina e atugi Ityipt tea takalapa adeada maga: Nalakena nadodomiana aneana e du mau du:

¹¹Po piragilua Israel m̃elu dua ki m̃aleoputo kakada umai: Nalakena nadodomiana aneana e du mau du:

¹²Ki m̃elearu kasua sikai, go ki aru saikiana sikai: Nalakena nadodomiana aneana e du mau du.

¹³Ki tea waina e dap̃otae Natasi Miala e pei matele dua: Nalakena nadodomiana aneana e du mau du:

¹⁴Po mari Israel eu surata duaduru m̃aleoputo kakana: Nalakena nadodomiana aneana e du mau du:

¹⁵Ma e paruvarulua Faraoh go taua ni naatam̃oli navakalo aneana maga paki Natasi Miala. Nalakena nadodomiana aneana e du mau du.

¹⁶Ki tea waina e maraki narei aneana m̃asop̃alo: Nalakena nadodomiana aneana e du mau du.

¹⁷Ki tea waina e atu nawota warua maga: Nalakena nadodomiana aneana e du mau du.

¹⁸Po maripunue nawota rogoana maga: Nalakena nadodomiana aneana e du mau du:

¹⁹Sihon nawota ki naworawora ni Amor: Nalakena nadodomiana aneana e du mau du:

²⁰Go Ok nawota ni Bashan: Nalakena nadodomiana aneana e du mau du:

²¹Po pitua ki navanua adeada e pei tea veanipiolikiana sikai: Nalakena nadodomiana aneana e du mau du:

²²Tea veanipiolikiana sikai agi Israel tea suasua aneana: Nalakena nadodomiana aneana e du mau du:

²³Waina e midoa ki gida ragi waina tu doko etano: Nalakena nadodomiana aneana e du mau du:

²⁴Po pualua gida m̃elu dua ki tea kokona ki gida maga: Nalakena nadodomiana aneana e du mau du.

²⁵E do pitua ki navinaga paki sara nap̃okasi: Nalakena nadodomiana aneana e du mau du.

²⁶Kuga vasadodom̃ata ki Sup̃e ni nakoroatelagi: Nalakena nadodomiana aneana e du mau du.