Read Nguna Togoa Etafe North SALAMO 137 Bible Online

SALAMO 137 - Nguna Togoa Etafe North bible

SALAMO 137

¹Pisari noai sara maga ni Babel, Tokora wanogoe au do natano asa, go au kai, Ragi waina au midoa ki Sion.

²Nakau willo maga m̃aleoputo kakana, Au sara ki harp aginami maga ara,

³Nalakena tokora wanogoe tea maga waina eu piragilua pavakoto gami eu datagovi gami ki nalegaana maga asa, Go tea maga waina eu mari gami au lalagaarova eu datago nalaelaeaana, eu naga, Kuga maginami lega nalegaana sikai ni Sion.

⁴Auga lega nalegaana ki Yehovah Navanua p̃ota dapale sava?

⁵A pe malio ki‐go, Yerusalem O, Nam̃elearugu ni matua ega malio ki namariataeana aneana.

⁶A pe ta midoa ki‐go mau, A pe ta sike Yerusalem pakilagi, Dap̃au nap̃au ni nalaelaeaana aginau mau, Namenagu ega vuluti namagagu.

⁷Yehovah O, p̃a midoa ki naaleatia ni Yerusalem, Dip̃a Edom natuna maga; Waina eu naga, Kuga rakai a, kuga rakai a, Pa pa paki laketano kakana.

⁸Babel natuna nagoroi O, waina p̃a wo pei tea mariana p̃a vei masomaladi; Ae namaropaana ki tea waina ega wo lagati dua ko namariana anigo, Waina ku mari a paki gami!

⁹Ae namaropaana ki tea waina ega wo puati piakirikiri anigo maga, po p̃oka‐p̃oraworae ra Paki vatu laketoko!