Read Nguna Togoa Etafe North SALAMO 138 Bible Online

SALAMO 138 - Nguna Togoa Etafe North bible

SALAMO 138

¹Salamo sikai ki David. Aga wo pasadodom̃ata ki‐go ki nap̃op̃ogu mamau: Kivea ki sup̃e maga aga wo legasamasamani ko.

²Aga wo suai natano paki nasum̃a tapu anigo, Go aga wo pasadodom̃ata ki nagisam̃a nalakena nadodomiana anigo go nalakena nalomauana anigo: Nalakena ku mari nanoaana anigo e p̃arua dap̃au nagisam̃a mamau.

³Naaleatia waina a pioso asa ku pasadara au asa, Ku mari au a piviari ki nakasuaana doko naatagu.

⁴Nawota maga mamau puti ni maramana euga wo pasa dodom̃ata ki‐go, Yehovah O, Nalakena eu dogo nanoaana maga ni nawokam̃a.

⁵Go euga wo lega nalo ni napua maga ki Yehovah; Nalakena nasamasamaana ki Yehovah e p̃arua.

⁶Nalakena Yehovah e pei tea vakilagi, go e leopunusi tea p̃op̃o‐vakitano: Ma e atae tea p̃op̃o‐vakilagi pae uvea.

⁷A pe surata m̃aleoputo ni nariesokiana, p̃a wo pakamauri ki nau; P̃a wo sai ki nam̃elearum̃a dip̃a namaetoana ki tea maga waina eu kokona ki nau, Go nam̃elearum̃a ni matua ega wo mautipauri au.

⁸Yehovah ega wo maginau mari sua: Yehovah O, nadodomiana anigo e du mau du; P̃a ta doropusi nawosiana maga ni nam̃elearum̃a maga mau.