Read Nguna Togoa Etafe North SALAMO 14 Bible Online

SALAMO 14 - Nguna Togoa Etafe North bible

SALAMO 14

¹Salamo sikai ki David. Tea vei lala sigisigileo e noa nap̃op̃ona, e naga, Sup̃e e dika. Eu marisaki, eu mari namariana mamaragokiana maga; Tea mari naleo p̃ia e dika.

²Yehovah e leo siwo pae nakoroatelagi paki naatam̃oli natuda maga, Naga ega vunusi te naata e pe toko waina e midoakiatae, Waina e laaga Sup̃e.

³Eu mamau puti dawasi; eu pei taua malasi; Tea mari naleo p̃ia e da doko mau, tea sikai maau sa e dika.

⁴Tea maga waina eu do mari namarinaleotageleana eu pei sap̃o puti kite? Waina eu do gani narei aginau dapala waina eu gani navinaga, Po da pioso paki Yehovah mau.

⁵Tokora wanogoe eu mataku p̃arua asa: Nalakena Sup̃e e doko tagona ni tea leana maga.

⁶Kuga wo mari namidoakip̃otaeana Ki tea rogokitesa ega maliere, Nalakena Yehovah e pei tokora ni nasavasiliana aneana.

⁷Sei ega wo pitua ki namautipauri Israel‐ana pae Sion umai? Ragi waina Yehovah ega wo piragi liliua ki narei aneana waina eu pei tea viragiluapavakotokiana, Yakob ega wo sokamidi, go Israel ega wo laelaea.