Read Nguna Togoa Etafe North SALAMO 141 Bible Online

SALAMO 141 - Nguna Togoa Etafe North bible

SALAMO 141

¹Salamo sikai ki David. Yehovah O, a pioso paki‐go; p̃a maginau mari m̃araverave: P̃a takidorogo nadaleogu ragi waina a pioso paki‐go.

²Natapasavasaana aginau ega vei tea lawokiana naraem̃a ega tapala tea ni nap̃ona wia; Natarasikeana ni nam̃elearugu maga ega tapala naviriana ni ragi melu.

³Yehovah O, p̃a lawo ki tea vavaigoro sikai ega visari nawokagu; P̃a leo parati ki namata ni nagolegu maga.

⁴P̃a ta kerea ki nap̃op̃ogu paki te naleo sa mau, Naga aga ta mari namariana maga ni nasigisigileoana mau Sikoti naatam̃oli maga waina eu do mari namarinaleotageleana: Go aga ta gani navinaga lolo adeada maga seara kakana mau.

⁵Tea leana ega wokati au, ega wo pei nadodomiana sikai; Go ega vasa kasua ki nau, ega wo dapala naroro agi nap̃augu; Nap̃augu ega ta karaikita e mau: Nalakena ega wo doko, go natapasavasaana aginau ega wo doko nasaana adeada.

⁶Tea vasap̃otae adeada maga eu pei tea nadikiana siwo pae nadigi maga ni vatu laketoko; Go euga wo dogo nanoaana aginau maga; nalakena eu gagadi.

⁷Dakiusi waina te naata e sisi po dap̃otae natano, Navatugami maga eu pei tea taperaverakiana pisari nawoka ni matigo.

⁸Nalakena namatagu ero paki‐go, Yehovah, Nawota O, A sava sili ako; p̃a ta da ki naatagu mau.

⁹P̃a vavaigoro au pa dua ki nam̃elearu maga ni kup̃ena waina eu lawo ki nia raki nau, Go ki vaivai maga ki tea maga waina eu do mari namarinaleotageleana.

¹⁰Tea sigisigileo maga euga rowo paki kup̃ena adeada maga, Ragi waina kinau aga liu pano.