Read Nguna Togoa Etafe North SALAMO 142 Bible Online

SALAMO 142 - Nguna Togoa Etafe North bible

SALAMO 142

¹Maskil ki David, ragi waina e doko valea; natapasavasaana sikai. A do pioso ki nadaleogu paki Yehovah; Ki nadaleogu paki Yehovah a do pavarani.

²A do da ki namidodoana aginau naraena; Nariesoki‐au‐ana a do dogorogo ki nia naraena.

³Ragi waina naatagu a matekimala doko au, nigo ku atae napua aginau. Napua waina a surata asa eu dasuru ki vaivai sikai asa raki nau.

⁴P̃a leo paki nam̃elearugu ni matua, po punusi; nalakena te naata waina e atae au e da doko mau. Nasavasiliana e puoli ki nau; te naata waina e pusuusu ki naatagu e da doko mau.

⁵A pioso paki‐go, Yehovah O; A naga, Nigo ku pei tokora ni nasavasiliana aginau, Tea veanip̃otaeana aginau navanua ki tea mauri maga.

⁶P̃a takidorogo nakuapiosoana aginau; nalakena a pei tea viragiana pakitano p̃arua: P̃a vualua au m̃elu dua ki tea maga waina eu kopalele au; nalakena eu kasua liu au.

⁷P̃a viragi naatagu ega tave m̃elu dua ki nasum̃a ni nakokoroana, naga aga vasadodom̃ata ki nagisam̃a: Tea leana maga euga wo dalivirigoro au; Nalakena p̃a wo marim̃ata ki nau.