Read Nguna Togoa Etafe North SALAMO 144 Bible Online

SALAMO 144 - Nguna Togoa Etafe North bible

SALAMO 144

¹Salamo sikai ki David. Yehovah, vatulaketoko aginau, ega vei tea vasap̃iakiana, Waina e pisei ki nam̃elearugu naga eroga vivimari, Go nakinigu maga naga euga mari navakalo:

²Nadodomi‐au‐ana, go nasum̃a ni p̃aaka aginau, Tokora vakilagi aginau, go tea vualua au; Nakokoro aginau, go tea waina a do sava sili asa; Waina e do mari narei aginau eu doko etano paki nau.

³Yehovah, naatam̃oli e pei nasava, naga p̃a atae a? Kite naatam̃oli natuna naga p̃a midoa ki nia?

⁴Naatam̃oli e dapala namero sikai: Naaleatia aneana maga eu dapala melu sikai waina e do liu pano.

⁵Yehovah O, p̃a kusu ki nakoroatelagi anigo maga, go p̃a siwo umai: P̃a kisidogo tava maga, go euga wo asua.

⁶P̃a vila ki navila, go p̃a taperavera ki da; P̃a tipe ki nalua anigo maga, po mari ra euga sava.

⁷P̃a sai ki nam̃elearum̃a pae elagi umai; P̃a vutilua au, go p̃a vualua au m̃elu dua ki noai warua maga, M̃elu dua ki nam̃elearu ni naatam̃oli maga ni navanua p̃ota maga;

⁸Waina nawokada e do pasa tea sa, Go nam̃elearuda ni matua e pei nam̃elearu ni matua sikai ni nasorosoroana.

⁹Sup̃e O, aga wo lega ki‐go nalegaana vau sikai: Aga wo lega‐samasamani ko ki harp ni nagalo rualima sikai.

¹⁰Waina e do pitua ki namautipauriana paki nawota maga: Waina e do putilua David, tea suasua aneana, pa dua ki lova sa.

¹¹P̃a vutilua au, go p̃a vualua au m̃elu dua ki nam̃elearu ni naatam̃oli maga ni navanua p̃ota maga, Waina nawokada e do pasa tea sa, Go nam̃elearuda ni matua e pei nam̃elearu ni matua sikai ni nasorosoroana.

¹²Naga natugami naanoai maga euga tapala nakau lawoana maga waina eu p̃arua sua ragi ni naveinatureaiana adeada; Go natugami nagoroi maga euga tapala vatu maga ni naweluki waina eu pei tea taeana raki natavagiana ni nasum̃a warua sikai;

¹³Naga nasum̃a maga ni nalo tauakiana aginami maga euga vura, po do pitua ki sara nawa ni nakau; Go shiip go naninani aginami maga euga to piragi manu maga go tivilia maga doko napega aginami maga;

¹⁴Naga oks aginami maga euga to ovaova madaga; Naga namarip̃oraeana umai ega tika, go natavepanoana ega tika, Go nakuapiosoana ega tika napua maga ni natokoana aginami;

¹⁵Ae namaropaana ki narei waina eu dapala nogoe! Ae namaropaana ki narei waina Yehovah e pei Sup̃e adeada!