Read Nguna Togoa Etafe North SALAMO 146 Bible Online

SALAMO 146 - Nguna Togoa Etafe North bible

SALAMO 146

¹Kuga samasamani Yah. P̃a samasamani Yehovah naatagu O.

²Aga wo samasamani Yehovah ragi ni namauriana aginau: Aga wo lega‐samasamani Sup̃e aginau ragi ni natokoana aginau.

³Kuga ta pavatu tea maraki maga mau, Go natu ni naatam̃oli mau, waina namautipauriana e dika asa.

⁴Namerona e m̃elu pano, e liliu paki natano kakana; Naaleatia wanogoe namidoakidawonakiana aneana maga eu puoli.

⁵Ae namaropaana ki tea waina Sup̃e ki Yakob e pei nasilaeana, Waina naleogoroana aneana e doko Yehovah Sup̃e aneana!

⁶Waina e mari nakoroatelagi go maramana, Natasi, go tea maga mamau puti waina eu doko ara; Waina e do pavaigoro nalomauana pa pa e du mau du:

⁷Waina e do magi tea maripavakotokiana maga mari navasap̃otaeana; Waina e do dua tea vitolo maga navinaga: Yehovah e do peresi tea soliana maga;

⁸Yehovah e do mari tea kesa maga eu leosai; Yehovah e do sike tea kolokolo maga; Yehovah e do dodomi tea leana maga;

⁹Yehovah e do pavaigoro nam̃enaki maga; E do silae namalepu go nagoroi malepu; Ma napua ki tea sigisigileo maga e do mari a e dagele.

¹⁰Yehovah ega wo maramara pa pa ega tu mau du, Sup̃e anigo, Sion O, pa pa paki tagona go tagona. Kuga samasamani Yah.