Read Nguna Togoa Etafe North SALAMO 147 Bible Online

SALAMO 147 - Nguna Togoa Etafe North bible

SALAMO 147

¹Kuga samasamani Yah; Nalakena e p̃ia naga tuga legasamasamani Sup̃e anigida; Nalakena e pei tea masauniana, go nasamasamaniana e pei tea rogom̃atakiana.

²Yehovah e do davagi Yerusalem; E do saisai ki tea kopasiluaana maga ni Israel.

³E do maripauri tea p̃op̃o maworawora maga, Po do kalutigoro wotu adeada maga.

⁴E do noa naveveana ni m̃asoe maga; E do salagisa ni puti ra.

⁵Nawota anigida e p̃arua, go e lapalapa nakasuaana; Namidoakiataeana aneana e mari sap̃o pei tea veveana.

⁶Yehovah e do silae tea matemate maga: E do mari tea sigisigileo maga eu siwo paki natano.

⁷Kuga lega ki Yehovah ega vilake navasadodom̃atakiana; Kuga lega‐samasamani Sup̃e anigida ki harp:

⁸Waina e do dap̃augoro nakoroatelagi ki napopouru maga, Waina e do magi navanua mari usa, Waina e do mari tava maga eu ulua ki nam̃enau.

⁹E do dua nalo tuavati navinaga aneana, Go reven vusavusa maga waina eu kai.

¹⁰E da maro nakasuaana ni horse mau: E da midoaki m̃ata ki natua maga ni naatam̃oli mau.

¹¹Yehovah e do midoakim̃ata ki tea maga waina eu matau ki nia, Ki tea maga waina eu do leogoro nadodomiana aneana.

¹²P̃a vasasamasamani Yehovah, Yerusalem O; P̃a samasamani Sup̃e anigo, Sion O.

¹³Nalakena e mari tea walagoto maga ni namata‐pua anigo maga eu kasua; E pasap̃ia ki natum̃a maga m̃aleoputo kakam̃a.

¹⁴Waina e do mari kokoi anigo e pei natam̃ateana; E do mari ko ku puka ki nam̃aladua ni whiit.

¹⁵Waina e do dip̃akilua nanoaana aneana maramana; Navasaana aneana e do sava kasua.

¹⁶Waina e do pitua ki sno e dakiusi nam̃au ni shiip; E do sapura ki frost tare e dakiusi natanoapu.

¹⁷Waina e do nadi ki aise aneana e dakiusi namaverovero maga. Sei e mariatae lawodu narae ni namaladiana aneana?

¹⁸E do dip̃akilua navasaana aneana, po mari ra eu sara: E do mari nalagi aneana e sau, go noai maga eu do sara.

¹⁹E do dogorogo ki navasaana aneana paki Yakob, Natawonakiana aneana maga go navasap̃otaeana aneana maga paki Israel.

²⁰E da mari dapala nogoe paki sara nalauna mau: Go navasap̃otaeana aneana maga, eu da atae ra mau. Kuga samasamani Yah.