Read Nguna Togoa Etafe North SALAMO 148 Bible Online

SALAMO 148 - Nguna Togoa Etafe North bible

SALAMO 148

¹Kuga samasamani Yah. Kuga samasamani Yehovah pae nakoroatelagi maga: Kuga samasamani a doko tokora vakilagi maga.

²Kuga samasamani a, agelo aneana maga mamau puti: Kuga samasamani a, taua aneana maga mamau puti.

³Koroga samasamani a, elo go atelagi: Kuga samasamani a, m̃asoe maga mamau puti ni namarama.

⁴Kuga samasamani a, nakoroatelagi maga ni nakoroatelagi maga, Go noai maga waina ku one elagi ni nakoroatelagi maga.

⁵Euga samasamani nagisa ni Yehovah: Nalakena nae e pitip̃aki, go eu pei tea tawonakiana.

⁶Go e mari ra eu du pa pa e du du po du mau du: E mari natawonakiana sikai waina ega wo da pano mau.

⁷Kuga samasamani Yehovah pae maramana, Drakon maga go epua maga mamau puti:

⁸Nakapu vavaga go usa ni vatu, sno go mamavu; Nalagi atu, waina ku do mari navasaana aneana:

⁹Tava warua maga go tava kiki maga mamau puti; Nawatikau maga go sidar maga mamau puti:

¹⁰Nalo mila maga go katel maga mamau puti; Tea kakaravi maga go manu ni nalivaru:

¹¹Nawota maga ni maramana go nalauna maga mamau puti; Tea maraki maga go tea vasap̃otae maga mamau puti ni maramana:

¹²Natureai maga go naatara maga; Namariki maga sikoti piakirikiri maga:

¹³Euga samasamani nagisa ni Yehovah; Nalakena nagisana e masikina pei tea vakilagi: Nasamasamaana aneana e dap̃au maramana go nakoroatelagi.

¹⁴Go e sike pakilagi ki napati ni nap̃au ni narei aneana, Nasamasamaniana ki tea dodomi‐dodomiana aneana maga mamau puti; Ki Israel natuna maga, narei sikai waina eu pei m̃aladigi ki nia. Kuga samasamani Yah.